فوتو: Sputnik قازاقستان
سەنات تٶراعاسى مەۋلەن ەشٸمباەۆ ەلٸمٸزدە وتباسىنداعى زورلىق-زومبىلىققا جول بەرمەۋ مەسەلەسٸنە قاتىستى پٸكٸر ايتتى, دەپ حابارلايدى Kazinform.
«كەيٸنگٸ جىلدارى وسىنداي قىلمىستارعا جول بەرمەۋ باعىتىندا زاڭنامانى ٶزگەرتكەنبٸز. قىلمىستىق كودەكستٸڭ دە باپتارىن ٶزگەرتٸپ, مۇنداي ەرەكەتتەرگە جاۋاپكەرشٸلٸكتٸ كٷشەيتتٸك. وتباسىلاردا وسىنداي جاعدايلاردىڭ الدىن الۋ ٷشٸن بٸرنەشە مەسەلەگە كٶڭٸل بٶلۋ كەرەك. زاڭنامانى ارى قاراي كٷشەيتۋ كەرەك بولسا, بٸز وعان دايىنبىز. بٸراق بۇل مەسەلەنٸ تەك زاڭنامانى ٶزگەرتۋمەن شەشۋگە بولمايدى. اتاپ ايتقاندا, جاستاردىڭ, ازاماتتاردىڭ اراسىنداعى مەدەنيەت دەڭگەيٸن دە كٶتەرۋ كەرەك. ەلٸمٸزدە وسى باعىتتا ٷلكەن جۇمىستاردى اتقارۋ كەرەك دەپ ويلايمىن», - دەدٸ ەشٸمباەۆ سەناتتا تٸلشٸلەر سۇراعىنا جاۋاپ بەرە وتىرىپ.
ونىڭ ايتۋىنشا, بۇل باعىتتا تيٸستٸ مەملەكەتتٸك ورگاندار جۇمىس اتقارىپ جاتىر. دەگەنمەن وسى ٸس-قيمىلدار جەتكٸلٸكسٸز بولۋى مٷمكٸن.
«جالپى, تٷسٸندٸرۋ, اعارتۋ جۇمىستارى كەرەك ەكەنٸ انىق. مەكتەپتەردە, ۋنيۆەرسيتەتتەردە تەربيە جۇمىستارىن كٷشەيتۋ كەرەك. سەبەبٸ كٶپ مەسەلە تەربيەگە بايلانىستى. ٶزارا سىيلاستىق, قۇرمەتتەۋ, قىزدارعا قول كٶتەرمەۋدٸ بالا كەزٸنەن تٷسٸندٸرگەن جٶن. سوندىقتان بۇل پروبلەمادا تەربيە جۇمىستارىنداعى كەمشٸلٸكتەردٸ كٶرٸپ تۇرمىز دەسەك, ارتىق بولمايدى», - دەدٸ سەنات تٶراعاسى.
بۇدان بۇرىن حابارلانعانداي, بيىل 9 قاراشادا ەكس-مينيستر قۋاندىق بيشٸمباەۆ ٶز ەيەلٸن ۇرىپ ٶلتٸرگەنٸ مەلٸم بولدى.
