جىل باسىنان بەرٸ زورلىق-زومبىلىققا ۇشىراعان 46 901 ادام پوليتسيياعا جٷگٸنگەن. بۇل تۋرالى زورلىق-زومبىلىققا قارسى «نە مولچي» قورىنىڭ نەگٸزٸن قالاۋشى دينا تاڭسەرٸ ايتىپ بەردٸ, دەپ حابارلايدى قازاقپارات.
«تۇرمىستىق زورلىق-زومبىلىق بولعاندا, پوليتسييا قىزمەتٸ اگرەسسوردى جەدەل تۇتقىنداۋى قاجەت. ەيەل بالا-شاعاسىمەن داعدارىس ورتالىعىن جاعالاپ جٷرمەۋٸ كەرەك. ەيەلدەردٸ قۇقىقتىق كٶمەكپەن قامتاماسىز ەتٸڭٸزدەر. بٸزدٸڭ قورعا حابارلاساتىن ەيەلدەر دە ەڭ الدىمەن قۇقىقتىق كٶمەك سۇرايدى. قۇقىقتىق ساۋاتسىزدىق كەسٸرٸنەن حالىق ٶزٸن سوتتا قورعاي المايدى. قر ٸٸم ستاتيستيكاسىنا سٷيەنسەك, 2020 جىلدىڭ 4 ايىندا 46 901 ادام پوليتسيياعا جٷگٸنگەن. ال سوتقا 8 مىڭ ٸس قانا جەتكەن. ونىڭ 4 مىڭى ىمىراعا كەلگەن. ياعني, زورلىقشىلاردىڭ 10 پايىزى عانا جاۋاپقا تارتىلدى», - دەدٸ دينا تاڭسەرٸ قر اقپارات جەنە قوعامدىق دامۋ مينيسترلٸگٸ ٶتكٸزگەن ونلاين جينالىستا.
ونىڭ ايتۋىنشا, ەيەلدەر ارىزىن قايتارىپ الۋعا مەجبٷر, ٶيتكەنٸ اگرەسسور 3 ساعاتتىق پروفيلاكتيكالىق ەڭگٸمەدەن سوڭ ٷيٸنە قايتارىلادى جەنە ەيەلدٸڭ ٶمٸرٸنە تاعى قاۋٸپ تٶنەدٸ.
«داعدارىس ورتالىقتارى ەرينە كەرەك, بٸراق ونىڭ قازٸرگٸ جۇمىسىنا كٶڭٸلٸم تولمايدى. ەيەلدەر كٶمەك ٷشٸن ورتالىققا كەلەدٸ دە, قاتاڭ تەرتٸپكە, كازارمالىق ٶمٸرگە تاپ بولادى. كٶپ ەيەلدەر داعدارىس ورتالىعىن ەيەلدەر كولونيياسى نەمەسە رەجيمدٸك نىسان دەپ اتايدى. بٸراق ولاردىڭ باسقا باراتىن جەرٸ جوق, ٶيتكەنٸ زاڭ اگرەسسوردى قۋىپ شىعۋعا مٷمكٸندٸك بەرمەيدٸ. نەتيجەسٸندە جەبٸر كٶرسەتۋشٸ ورتاق باسپانادا قالىپ, ەيەلدەر مەن بالالار جاسىرىنىپ جٷرۋگە مەجبٷر بولادى. بٸز كٸمدٸ جازالاپ جٷرمٸز? ەگەر مەملەكەت كٶمەكتەسكٸسٸ كەلسە, تەڭدەي قۇقىقپەن قامتاماسىز ەتسٸن. ال مۇندا جەبٸرلەنۋشٸ مەن بالالار جازالانىپ جٷرگەندەي. وسى وتىرىسقا قاتىسۋشىلاردان سۇراپ كٶرەيٸن, ٶز ٷيٸڭٸز, ٶز تٶسەگٸڭٸز, ٶز ەدەتتەرٸڭٸز بولا تۇرا, داعدارىس ورتالىعىنا بارىپ, 10 اداممەن بٸر بٶلمەدە تۇرۋعا, كٷن تەرتٸبٸمەن ويانۋعا, دايىنداپ بەرگەن تاماقتى عانا جەۋگە كەلٸسەر مە ەدٸڭٸزدەر? نەگە جەبٸر كٶرسەتۋشٸنٸڭ ٷيدە قالۋىنا رۇقسات بەرٸلەدٸ? وسىنداي جاعدايعا كەلٸسپەگەندٸكتەن ەيەلدەر كٷيەۋٸنە قايتا ورالۋعا مەجبٷر», - دەدٸ قوعام بەلسەندٸسٸ.
سونىمەن بٸرگە, سپيكەر قورعانىس بۇيرىعىن بۇزعانداردى قىلمىستىق جاۋاپقا تارتۋدى ۇسىندى.
«قازٸر ەيەلٸنە جەبٸر كٶرسەتۋشٸ پوليتسييا بٶلٸمٸنە بارادى دا, پروفيلاكتيكالىق جۇمىس جٷرگٸزٸلدٸ دەگەن بٸر جاپىراق قاعازعا قول قويادى. مۇنىڭ بارلىعى – شارتتى نەرسەلەر. ەشكٸم ونىمەن تٷسٸندٸرۋ جۇمىسىن جٷرگٸزبەيدٸ. مۇنداي قۇجاتتى امەريكالىقتار بۇزباۋعا تىرىسادى, ٶيتكەنٸ بۇل بۇيرىقتى بۇزسا, 5 جىلعا دەيٸن اباقتىعا قامالاتىنىن بٸلەدٸ. ال بٸزدەگٸ جەبٸر كٶرسەتۋشٸلەر ٷشٸن بۇل – جاي عانا قاعاز. سوڭعى 4 ايدا پوليتسييا 30 مىڭنان استام قورعانىس بۇيرىعىن بەردٸك دەيدٸ. بۇل نە بەرەدٸ? كٸمدٸ توقتاتادى? سول ٷشٸن زورلىقپەن كٷرەس جەنە قۇرباندارعا كٶمەك جۇمىستارىن قاداعالايتىن ٷيلەستٸرۋ ورتالىعى كەرەك», - دەدٸ دينا تاڭسەرٸ.
