فوتو: قر ٸٸم
الماتى قالاسى مەن وبلىسىندا ەسٸرتكٸ تاراتۋمەن اينالىسقان بٸرنەشە «وتباسىلىق توپ» ەشكەرەلەندٸ. ٸشكٸ ٸستەر مينيسترلٸگٸ «زاڭ مەن تەرتٸپ» قاعيداتى اياسىندا ەسٸرتكٸ جەتكٸزۋ ارنالارى مەن ولاردىڭ تارالۋىن انىقتاۋ بويىنشا جۇمىستى جالعاستىرىپ جاتىر, - دەپ حابارلايدى Polisia.kz.
سوڭعى ۋاقىتتا ەسٸرتكٸ قىلمىسىنا جاقىن تۋىستاردىڭ تارتىلۋ دەرەكتەرٸ كٶبەيٸپ, «وتباسىلىق سحەمالار» قالىپتاسا باستاعان.
الماتى قالاسىندا ەكٸ اعايىندى شامامەن 1 كەلٸ سينتەتيكالىق الفا-PVP تاسىمالداۋ كەزٸندە قولعا تٷستٸ. بۇرىن سوتتالعان اعاسى ٸنٸسٸن قىلمىسقا تارتقان. ۇستاۋ كەزٸندە ولاردان قارۋ مەن وق-دەرٸلەر تەركٸلەندٸ.
ال الماتى وبلىسىندا تاعى بٸر اعايىندى ۇيىمداستىرعان فيتوزەرتحانا جويىلدى. جالعا الىنعان ٷيدە كەيٸن ساتۋ ٷشٸن ماريحۋانا ٶسٸرٸلگەن. پوليتسييا 61 كەلٸگە جۋىق ٶنٸم بەرەتٸن 102 تٷپ ٶسٸمدٸكتٸ, سونداي-اق ارنايى جابدىقتاردى تەركٸلەدٸ.
سونىمەن قاتار الماتى تۇرعىنى ەپكەسٸنٸڭ سەنٸمٸن پايدالانىپ, ونىڭ پەتەرٸندە ەسٸرتكٸ قاپتاۋمەن اينالىسقان. ۇستاۋ كەزٸندە 100-دەن استام zip-lock پاكەت جەنە شامامەن 500 گرامم مەفەدرون تابىلدى.
جالپى, سەۋٸر ايىنىڭ العاشقى ون كٷنٸندە زاڭسىز اينالىمنان بٸر تونناعا جۋىق ەسٸرتكٸ, ونىڭ ٸشٸندە 800 كەلٸدەن استام سينتەتيكالىق تٷرلەرٸ تەركٸلەنگەن.
بارلىق كٷدٸكتٸلەر قاماۋعا الىندى. قىلمىستىق ٸس قر قك 297-بابى 3-بٶلٸگٸ بويىنشا تەرگەلٸپ جاتىر. بۇل باپ 12 جىلعا دەيٸن باس بوستاندىعىنان ايىرۋ جازاسىن قاراستىرادى.
ٸٸم مەلٸمەتٸنشە, جىل باسىنان بەرٸ ٷش تونناعا جۋىق ەسٸرتكٸنٸڭ زاڭسىز اينالىمعا تٷسۋٸنە توسقاۋىل قويىلعان.
