Foto: QR IIM
Almaty qalasy men oblysynda esirtki taratýmen ainalysqan birneshe «otbasylyq top» áshkerelendi. Ishki ister ministrligi «Zań men tártip» qaǵidaty aiasynda esirtki jetkizý arnalary men olardyń taralýyn anyqtaý boiynsha jumysty jalǵastyryp jatyr, - dep habarlaidy Polisia.kz.
Sońǵy ýaqytta esirtki qylmysyna jaqyn týystardyń tartylý derekteri kóbeiip, «otbasylyq shemalar» qalyptasa bastaǵan.
Almaty qalasynda eki aǵaiyndy shamamen 1 keli sintetikalyq alfa-PVP tasymaldaý kezinde qolǵa tústi. Buryn sottalǵan aǵasy inisin qylmysqa tartqan. Ustaý kezinde olardan qarý men oq-dáriler tárkilendi.
Al Almaty oblysynda taǵy bir aǵaiyndy uiymdastyrǵan fitozerthana joiyldy. Jalǵa alynǵan úide keiin satý úshin marihýana ósirilgen. Politsiia 61 kelige jýyq ónim beretin 102 túp ósimdikti, sondai-aq arnaiy jabdyqtardy tárkiledi.
Sonymen qatar Almaty turǵyny ápkesiniń senimin paidalanyp, onyń páterinde esirtki qaptaýmen ainalysqan. Ustaý kezinde 100-den astam zip-lock paket jáne shamamen 500 gramm mefedron tabyldy.
Jalpy, sáýir aiynyń alǵashqy on kúninde zańsyz ainalymnan bir tonnaǵa jýyq esirtki, onyń ishinde 800 keliden astam sintetikalyq túrleri tárkilengen.
Barlyq kúdiktiler qamaýǵa alyndy. Qylmystyq is QR QK 297-baby 3-bóligi boiynsha tergelip jatyr. Bul bap 12 jylǵa deiin bas bostandyǵynan aiyrý jazasyn qarastyrady.
IIM málimetinshe, jyl basynan beri úsh tonnaǵa jýyq esirtkiniń zańsyz ainalymǵa túsýine tosqaýyl qoiylǵan.
