وتاندىق ٶندٸرٸستٸ دامىتۋدا كۆازيمەملەكەتتٸك سەكتورعا, ەسٸرەسە, «سامۇرىق-قازىنا» قورىنا ٶتە ماڭىزدى مٸندەت جٷكتەلٸپ وتىر. قر پرەزيدەنتٸ قاسىم-جومارت توقاەۆ Samruk Business Forum وتاندىق تاۋار ٶندٸرۋشٸلەردٸ قولداۋ فورۋمىندا وسىلاي مەلٸم ەتتٸ, دەپ حابارلايدى "ۇلت اقپارات".
پرەزيدەنتتٸڭ ايتۋىنشا, وتاندىق ٶندٸرٸستٸ دامىتۋدا كۆازيمەملەكەتتٸك سەكتورعا, ەسٸرەسە, «سامۇرىق-قازىنا» قورىنا ٶتە ماڭىزدى مٸندەت جٷكتەلٸپ وتىر. مەملەكەت قور ارقىلى بيزنەستٸڭ كەز كەلگەن تٷرٸنە قولداۋ كٶرسەتە الادى. پرەزيدەنت ٶز سٶزٸندە بٸرلەسكەن يننوۆاتسييالىق ەزٸرلەمەلەردٸڭ مٷمكٸندٸكتەرٸن تيٸمدٸ پايدالانۋعا, قورعا قاراستى ٸرٸ كەسٸپورىنداردىڭ اينالاسىندا قۇن تٸزبەگٸن قۇرۋعا, ينفراقۇرىلىممەن كٶمەكتەسۋگە, ادام كاپيتالىن دامىتۋعا, ەكسپورتتىق نارىقتاردى يگەرۋگە باسىمدىق بەردٸ.
«ٷكٸمەتتٸڭ كەڭەيتٸلگەن وتىرىسىندا مەملەكەتتٸك ساتىپ الۋلاردا جەرگٸلٸكتٸ ٶنٸممەن قامتاماسىز ەتۋ مەسەلەسٸن كٶتەردٸم. ساتىپ الۋ كونكۋرستارىندا يمپورتتىق ٶنٸمدەردٸ وتاندىق تاۋار رەتٸندە كٶرسەتۋ ەلٸ دە كەزدەسەدٸ. بۇنى مويىنداۋ كەرەك. مۇنداي جاعدايلار جاۋاپكەرشٸلٸكتەن جۇرداي كەسٸپكەرلەر مەن كۆازيمەملەكەتتٸك سەكتوردىڭ وسىنداي ەرەكەتكە كٶز جۇمىپ قارايتىن قىزمەتكەرلەرٸنٸڭ كەسٸرٸنەن ورىن الىپ وتىر. بۇل بيزنەستٸڭ باستى قاۋپٸ, ونىڭ دامۋىنا كەدەرگٸ كەلتٸرەدٸ. بٸز قازٸردٸڭ ٶزٸندە كۆازيمەملەكەتتٸك سەكتور سۋبەكتٸلەرٸ ٷشٸن تيٸستٸ ەكٸمشٸلٸك جاۋاپكەرشٸلٸكتٸ ەنگٸزدٸك. ٷكٸمەت تە, قور دا بۇل مەسەلەنٸ قاتاڭ باقىلاۋى كەرەك. كەسٸپكەرلەر مۇنداي مەسەلەلەردٸڭ تەز ەرٸ تيٸمدٸ شەشٸلۋٸن كٷتەدٸ», - دەدٸ مەملەكەت باسشىسى.
