قازاقستاندا جارىق كٶرٸپ جاتقان كٸتاپتاردىڭ 50 پايىزدان استامى بالالار مەن جاسٶسپٸرٸمدەرگە ارنالعان. بۇل تۋرالى قر مەدەنيەت جەنە سپورت مينيسترٸ اقتوتى رايىمقۇلوۆا مەلٸم ەتتٸ, دەپ حابارلايدى قازاقپارات.
«بٷگٸندە بالالار مەن جاسٶسپٸرٸمدەردٸڭ كٸتاپ وقۋعا دەگەن قىزىعۋشىلىعىن ارتتىرۋ باعىتىندا بٸرقاتار شارالار جٷرٸپ جاتىر. سونىمەن قاتار وقۋ, جازۋعا ىنتالى جاس تالانتتاردى دا قولداۋعا اسا مەن بەرٸلۋدە. بٷگٸندە ەلٸمٸزدە شىعاتىن كٸتاپتاردىڭ 50 پايىزدان استامى بالالار مەن جاسٶسپٸرٸمدەرگە ارنالعان. جەنە سوڭعى شىعىپ جاتقان كٸتاپتاردا ارنايى QR كود بار, ول بالالارعا وقۋعا ىڭعايلىلىق ٷشٸن جاسالىپ وتىر. ياعني قاجەت جاعدايدا كٸتاپتى ەلەكتروندى فورماتتا دا وقي الادى. بۇل باعىتتاعى جۇمىستار جالعاسىن تابادى», - دەدٸ اقتوتى رايىمقۇلوۆا ەلوردادا ٶتٸپ جاتقان ۇلتتىق مەكتەپ سپورت ليگاسى بارىسىندا.
سونداي-اق, مينيستر بالالار شىعارماشىلىعىن دامىتۋعا ارنالعان شارالارعا توقتالىپ ٶتتٸ.
«بٷگٸن ەلوردادا «جاس قالامگەر» بالالار مەن جاسٶسپٸرٸمدەرگە شىعارماشىلىق بايقاۋ قورىتىندىلاندى. ەلٸمٸزگە تانىمال اقىن, جازۋشىلار بالالارعا دەرٸس وقىپ, ەدەبيەت سالاسىنا جول اشىپ بەردٸ. ودان بٶلەك, جۋىردا عانا «ەر تٶستٸك» ەدەبي فەستيۆالٸ دە ٶز مەرەسٸنە جەتتٸ. وعان ەر ٶڭٸردەن دارىندى بالالار قاتىسىپ, باق سىنادى. ول جەردە بالالار مەن جاسٶسپٸرٸمدەردٸڭ ٷزدٸك دەگەن اۆتورلىق شىعارمالارى ايقىندالدى. ەلٸمٸزدە شىعارماشىل تالانتتار جەتكٸلٸكتٸ جەنە بٸز ولاردى قولداۋعا ەزٸرمٸز», - دەيدٸ ول.
