قر دەنساۋلىق ساقتاۋ مينيسترٸ ەلجان بٸرتانوۆ جاڭا اۋرۋحانالاردى نە ٷشٸن سالۋ كەرەكتٸگٸن تٷسٸندٸردٸ, دەپ حابارلايدى "ۇلت اقپارات".
«بٸز اۋرۋدىڭ الدىن الۋ مەن ەرتە انىقتاۋعا بەت الدىق. بۇل ٷشٸن ەمحانالىق كٶمەكتٸ دامىتامىز. بٷكٸل ەلەم الدىمەن الماتى, ال ودان كەيٸن استانا دەكلاراتسييالارىن قولدادى. بٸراق, ستاتسيونارلىق كٶمەك تە دامۋى تيٸس. ٶيتكەنٸ, سوقىرٸشەك نەمەسە بوسانۋ ەشقايدا جوعالىپ كەتپەيدٸ. كارديوحيرۋرگتەر مەن نەيروحيرۋرگتەر ينفاركت پەن ينسۋلت كەزٸندە, ال تراۆماتولوگ جاراقاتتانۋ كەزٸندە قۇتقارۋى تيٸس. تۋا بٸتكەن جەنە جٷرە بٸتكەن كەمٸستٸگٸ بار بالالارعا وپەراتسييا, ال ەرەسەكتەرگە بۋىندار نە بولماسا ٶزگە دە اعزالار مەن تٸن ترانسپلانتاتسيياسى قاجەت. مۇنىڭ بارلىعىن جەنە باسقا دا كٶپ دٷنيەنٸ ستاتسيونارلىق جاعدايدا عانا جاساۋعا بولادى», - دەپ جازدى مينيستر Facebook پاراقشاسىندا.
الايدا, ونىڭ دەرەگٸنشە, اۋرۋحانالارىمىزدىڭ 80 پايىزدان استامى سوناۋ كەڭەس زامانىندا سالىنعان. بۇعان قوسا, 20 پايىزدان استامى ەمدەۋ عيماراتىنا بەيٸمدەلگەن, ياعني بۇرىنعى جاتاقحانا, بالاباقشادا ورنالاسقان. اۋرۋحانالاردىڭ جالپى توزۋى 60 پايىزدان اسىپ كەتكەن.
«مۇنداي جاعدايدا الدىڭعى قاتارلى تەحنولوگييالاردى دامىتۋ مٷمكٸن ەمەس. ولار پاتسيەنتتەر مەن پەرسونالدار ٷشٸن جايسىز جەنە مەديتسينا قىزمەتكەرلەرٸنٸڭ كەسٸبي تۇرعىدا ٶسۋٸن تەجەيدٸ. بٷكٸل پروگرەسسيۆتٸ ەلەم جاڭا كلينيكالار سالۋدا جەنە ازاماتتارىمىز وڭتٷستٸك كورەيانىڭ, گەرمانييانىڭ نەمەسە تٷركييانىڭ زاماناۋي اۋرحانالارىندا ەمدەلگٸسٸ كەلەدٸ. سوندىقتان بٸز شەتەلدٸك سەرٸكتەستەردٸ تارتا وتىرىپ, جاڭا اۋرۋحانالار سالۋىمىز, الدىڭعى قاتارلى مەديتسينالىق تەحنولوگييالاردى ەنگٸزۋٸمٸز جەنە ماماندارىمىزدى وقىتۋىمىز قاجەت.
جەكەلەگەن ەرٸ تار پروفيلدٸ ەسكٸ اۋرۋحانالاردى اۋىستىرۋىمىز كەرەك. تەك سول جاعدايدا عانا زاماناۋي تەحنولوگيياعا قول جەتكٸزە وتىرىپ, مەديتسينا قىزمەتكەرلەرٸمٸزدٸڭ كەسٸبيلٸگٸ جاڭا دەڭگەيگە كٶتەرٸلەدٸ. سول كەزدە امبۋلاتورييالىق جەنە ستاتسيونارلىق كٶمەكتٸڭ ساباقتاستىعى بولادى. ال قازاقستاندىقتارعا وڭتايلى ەرٸ ساپالى وتاندىق مەديتسينا قىزمەتٸ بەرٸلەدٸ», - دەدٸ ەلجان بٸرتانوۆ.
