فوتو: اشىق دەرەككٶز
28 اقپان تاڭەرتەڭ يزرايل اقش-پەن بٸرلەسٸپ يرانعا قارسى «ارىستاننىڭ ايباتى» (امەريكالىق اتاۋى — «ەپيكالىق قاھار») اتتى ەسكەري وپەراتسييا باستادى.
اقش پرەزيدەنتٸ دونالد ترامپ وپەراتسييانىڭ باستى ماقساتتارىن اتادى: يراندا بيلٸكتٸ ٶزگەرتۋ, تەگەراننىڭ يادرولىق قارۋ الۋىنا جول بەرمەۋ جەنە ەلدٸڭ ەسكەري ەلەۋەتٸن جويۋ.
وپەراتسييا بارىسىندا 86 جاستاعى يراننىڭ جوعارعى كٶشباسشىسى الي حامەنەي قازا تاپتى. ول 1994 جىلدان بەرٸ ۇلى اياتوللا تيتۋلىن يەلەنگەن. ونىڭ رەزيدەنتسيياسى تولىقتاي قيراتىلعان. يزرايلدٸڭ «12-ارناسى» كەشەنگە 30 بومبا تاستالعانىن حابارلادى.
سونداي-اق يران يسلام رەۆوليۋتسيياسى ساقشىلار كورپۋسىنىڭ قولباسشىسى موحاممەد پاكپۋر, قورعانىس مينيسترٸ ازيز ناسيرزادە, قاۋٸپسٸزدٸك كەڭەسٸنٸڭ حاتشىسى ەلي شامحاني, تاعى تٶرت جوعارى لاۋازىمدى ەسكەري شەنەۋنٸك جەنە حامەنەيدٸڭ بٸرنەشە تۋىسى قازا تاپقانى حابارلاندى.
دونالد ترامپتىڭ ايتۋىنشا, يران بيلٸگٸ يادرولىق كەلٸسٸمگە جاقىن قالعان, الايدا كەيٸن «شەگٸنگەن». وسىدان كەيٸن ۆاشينگتون تەگەران «كەلٸسٸمگە مٷددەلٸ ەمەس» دەگەن قورىتىندى جاساعان.
ەۋە سوققىلارىنا يزرايل ەسكەري-ەۋە كٷشتەرٸنٸڭ 200-دەن استام ۇشاعى قاتىسقان — بۇل يزرايل اۆياتسيياسى تاريحىنداعى ەڭ اۋقىمدى وپەراتسييا سانالادى. اقش سوققىلاردى, سونىڭ ٸشٸندە ايماققا سوڭعى ايلاردا جٸبەرٸلگەن كەمەلەردەن ۇشىرىلعان Tomahawk زىمىراندارىمەن جاساعان.
يزرايل سوققىسى سالدارىنان يرانداعى قىزدارعا ارنالعان باستاۋىش مەكتەپ قيراعان. Fars اگەنتتٸگٸنٸڭ سوڭعى دەرەگٸنە سەيكەس, 115 ادام قازا تاپقان. قىزىل جارتى اي ۇيىمى Tasnim اگەنتتٸگٸنە يراندا سوققىلاردان 201 ادام قازا تاۋىپ, 747 ادام جارالانعانىن مەلٸمدەگەن.
يزرايلدە يراندىق سوققىلار نەتيجەسٸندە بٸر ادام قازا تاۋىپ, 120-دان استام ادام زارداپ شەككەنٸن CNN حابارلادى. يران كۋۆەيتتە, يراكتىڭ سولتٷستٸگٸندە جەنە ساۋد ارابيياسىندا ورنالاسقان اقش ەسكەري بازالارىنا شابۋىل جاساعان. سونداي-اق كاتارداعى اقش ەۋە بازاسىنا جەنە دۋبايداعى تسرۋ شتاب-پەتەرٸنە سوققى جاسالعانى بەلگٸلٸ. باحرەيندە دە يران شابۋىلى تۋرالى مەلٸمدەلدٸ. كاتاردا زىمىران سىنىقتارىنان 16 ادام جارالانعان. دۋبايدا سوققىلاردان كەيٸن ەۋەجايدىڭ تٶرت قىزمەتكەرٸ زارداپ شەككەن.
مۇناي تاسىمالىنا دا ەسەرٸ بايقالدى: كەمە قاتىناسىنا تىيىم سالىندى دەگەن حابارلاردان كەيٸن تانكەرلەر ورمۋز بۇعازى ارقىلى ٶتۋدەن باس تارتا باستاعان.
