ٶسكەمەندە كولونييا اۋماعىنا پسيحوتروپتىق زاتتاردى لاقتىرماق بولعان ەر ادام ۇستالدى, دەپ حابارلايدى قازاقپارات.
قر ۇۇ «شىعىس» ٶڭٸرلٸك قولباسشىلىعى باسپاسٶز قىزمەتٸنٸڭ مەلٸمەتٸنە سٷيەنسەك, 8 اقپاندا ساعات 21.40 شاماسىندا ٶسكەمەندەگٸ №17 تٷزەتۋ مەكەمەسٸنٸڭ كٷزەتۋ اۋماعىندا قاراۋىل ساقشىسى ٶزٸن كٷدٸكتٸ ۇستاعان بەلگٸسٸز بٸرەۋدٸڭ جٷرگەنٸن بايقاپ قالعان.
«ۇلتتىق ۇلان جاۋىنگەرٸ دەرەۋ قاراۋىل باستىعىنا حابار بەردٸ. سول جەرگە جٸبەرٸلگەن تٷزەتۋ مەكەمەسٸنٸڭ پاترۋلدٸك توبى ەر ادامدى قولعا تٷسٸردٸ. تەكسەرۋ بارىسىندا ونىڭ سوتتالۋشىلارعا سكوتچپەن ورالعان پسيحوتروپتى زاتتاردى لاقتىرماق بولعانى انىقتالدى», - دەدٸ باسپاسٶز قىزمەتٸنٸڭ باستىعى باعدات امانگەلدٸ.
قازٸرگٸ ۋاقىتتا اتالعان فاكتٸ بويىنشا تەرگەۋ امالدارى جٷرگٸزٸلٸپ جاتىر.
