ٶسكەمەندە «ازاماتتارعا ارنالعان ٷكٸمەت» مەملەكەتتٸك كورپوراتسيياسى فيليالى ديرەكتورىنىڭ بۇرىنعى ەكٸ ورىنباسارى زاڭسىز التىن ٶندٸرۋدٸ ۇيىمداستىرعانى ٷشٸن 4 جىلعا باس بوستاندىعىنان ايىرىلدى, دەپ حابارلايدى ult.kz.
ا.ا. راحىمجانوۆ پەن د.م. نۇرتازين ۇلان اۋدانىنداعى شىبىندى ۋچاسكەسٸندە ٶزدەرٸنە باعىنىستى «EastGoldStone» جشس ارقىلى التىن ٶندٸرگەن. كومپانييانىڭ التىن ٶندٸرۋگە ەمەس, تەك قاتتى پايدالى قازبالاردى بارلاۋعا ليتسەنزيياسى بولعان.
زاڭسىز ٶندٸرٸلگەن التىن كٶلەمٸ 15 كەلٸدەن اسىپ, قۇنى 844 ملن تەڭگەدەن جوعارى بولعان. تەرگەۋ كەزٸندە 382 ملن تەڭگەنٸڭ 6,7 كگ التىنى مەن 579 گرامم كٷمٸسٸ تەركٸلەندٸ.
زاڭسىز ٶندٸرٸس سالدارىنان 18,2 گەكتار جەر بٷلٸنٸپ, تابيعاتقا كەلتٸرٸلگەن زالالدى جويۋعا 300 ملن تەڭگەدەن استام قاراجات قاجەت بولعان.
سوت شەشٸمٸمەن 372 ملن تەڭگەنٸڭ مٷلكٸ, ونىڭ ٸشٸندە اۋىر تەحنيكا مەن قولما-قول اقشا تەركٸلەندٸ.
ٷكٸم ەزٸرگە زاڭدى كٷشٸنە ەنگەن جوق.
