ٶسكەمەندە زەينەتكەر ٶرت شىققان جەر ٷيدەن 71 جاستاعى قارييانى قۇتقارىپ قالدى, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, ٶرت سٶندٸرۋ قىزمەتٸنە شاھار كٶشەلەرٸنٸڭ بٸرٸندەگٸ جەكە تۇرعىن ٷيدە ٶرت شىققانى تۋرالى حابار تٷسكەن. ٶرت سٶندٸرۋشٸلەر وقيعا ورنىنا شۇعىل جەتتٸ. انىقتالعانداي, قىزىل جالىن ٷيدٸڭ قابىرعاسى مەن ديۆاندى, جالپى 7 شارشى مەتر اۋماقتى شارپىعان.
«قۇتقارۋشىلار كەلگەنگە دەيٸن العاشقى ەسكەري دايىندىق پەنٸنٸڭ وقىتۋشىسى, قر ٸٸم زەينەتكەرٸ نۇربەك توكۋشەۆ وتقا ورانعان ٷيدەن ماس كٷيدەگٸ 1950 جىلى تۋعان ەر ادامدى الىپ شىققان. اپاتتار مەديتسيناسى ورتالىعىنىڭ قىزمەتكەرلەرٸ زارداپ شەگۋشٸنٸ قاراپ شىقتى. اۋرۋحاناعا جاتقىزۋدىڭ قاجەتٸ بولمادى, ونىڭ ٶمٸرٸنە ەشقانداي قاۋٸپ تٶنٸپ تۇرعان جوق», - دەلٸنگەن حابارلامادا.
الدىن الا مەلٸمەت بويىنشا, ٶرتتٸڭ شىعۋىنا وتتى ابايسىز پايدالانۋ سەبەپ بولۋى مٷمكٸن.
