ٶسكەمەن قالاسىندا الاياققا الدانعان ەيەل ٷيٸنەن ايىرىلدى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, پوليتسيياعا جٷگٸنگەن 19 جاستاعى ازامات ٶزٸن الداپ سوققان كٶرشٸسٸنٸڭ جاتاقحاناداعى بٶلمەسٸن يەلەنٸپ العانىن جەتكٸزدٸ. وسىنىڭ سالدارىنان جەبٸرلەنۋشٸگە 3 500 000 تەڭگە مٶلشەرٸندە ماتەريالدىق زالال كەلتٸرٸلگەن.
«جەدەل-ٸزدەستٸرۋ شارالارىن جٷرگٸزگەن پوليتسييا قىزمەتكەرلەرٸ 27 جاستاعى كٷدٸكتٸنٸ ۇستادى. بەلگٸلٸ بولعانداي, ەيەل ادام زارداپ شەگۋشٸنٸڭ پسيحونەۆرولوگييالىق ەسەپتە تۇراتىنىن بٸلە تۇرا, وعان مٷلٸكتٸ ساتۋعا سەنٸمحات جازدىرىپ العان. كەيٸن قولىنداعى قۇجات ارقىلى كٶرشٸسٸنٸڭ جىلجىمايتىن مٷلكٸن ساتىپ جٸبەردٸ», - دەلٸنگەن اقپاراتتا.
قازٸرگٸ ۋاقىتتا ۇستالعان ەيەلگە قاتىستى قر قك-نٸڭ 190-بابى 3-بٶلٸگٸنە (الاياقتىق) سەيكەس سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
