ٶسكەمەندە ساياجاي قوعامداستىعىنداعى 31 ٷيدٸ سۋ باستى, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, اۋا تەمپەراتۋراسىنىڭ كٷرت جىلىنۋىنا بايلانىستى ابلاكەتكا ٶزەنٸندەگٸ سۋ دەڭگەيٸ بٸر تەۋلٸكتە 73 سم-گە جەتتٸ. وسىنىڭ سالدارىنان ٶسكەمەندەگٸ «سولنەچنايا دولينا» ساياجاي قوعامداستىعىنداعى ٷيلەردٸ سۋ باسقان.
«قۇتقارۋشىلار مەن جەرگٸلٸكتٸ اتقارۋشى ورگانداردىڭ قىزمەتكەرلەرٸ قازٸرگٸ جاعدايدى مۇقييات زەردەلەدٸ. اتالعان قوعامداستىقتا 226 ساياجاي ۋچاسكەسٸ بار. ونىڭ 31-ٸن سۋ باستى. بۇل ٷيلەردە ەشكٸم تۇرىپ جاتقان جوق», - دەپ حابارلادى ۆەدومستۆو ٶكٸلدەرٸ.
ساياجاي قوعامداستىعىنداعى تەك ەكٸ ٷيدە بٸرنەشە ادام تۇرادى. بۇل ٷيلەردٸ سۋ باسپاعان. وتباسىلاردىڭ بٸرٸ ۋاقىتشا تۇرعىلىقتى ورنىن اۋىستىردى. ەكٸنشٸ ٷي يەلەرٸ ەۆاكۋاتسييالاۋدان باس تارتقان. تجد مەن قالا ەكٸمدٸگٸ جاعدايدى جٸتٸ باقىلاۋدا.
