ٶسكەمەن قالاسىنىڭ ەكٸمٸ جاقسىلىق ومار Instagram جەلٸسٸندەگٸ جەكە پاراقشاسىنداعى جازباسىنا پٸكٸر قالدىرعان جەلٸ قولدانۋشىسىنا نە سەبەپتٸ «وسى سٶزٸڭ ٷشٸن جاۋاپ بەرەسٸڭ» دەپ حابارلاما جازعانىن تٷسٸندٸردٸ, دەپ حابارلايدى "ۇلت اقپارات".
Sandra_ouz بٷركەنشٸك ەسٸمدٸ ازامات ٶسكەمەن قالاسى ەكٸمٸنٸڭ «وسى سٶزٸڭ ٷشٸن جاۋاپ بەرەسٸڭ» دەپ حابارلاما جازعانىن سكرينشوتقا تٷسٸرٸپ جەلٸگە جارييالادى. ونىڭ ايتۋىنشا, تانىسىنا شاھار باسشىسى جازباسىنا سىني پٸكٸر قالدىرعانى ٷشٸن وسىنداي حابارلاما جٸبەرگەن.
كٶپ ۇزاماي جاقسىلىق ومار نە سەبەپتٸ سولاي جازعانىن تٷسٸندٸردٸ.
«كەشە ەلەۋمەتتٸك جەلٸدە مەنٸڭ جەكە باسىما قاتىستى ەشقانداي فاكتٸلەرگە سٷيەنبەي, قۇر ەموتسييامەن جازىلعان پٸكٸردٸ كٶردٸم. مەنٸ قالا باسشىسى رەتٸندە ەكٸجٷزدٸ دەپ ايىپتاۋ قورلىق دەپ سانايمىن. ەرينە, ٶزٸمنٸڭ ار-نامىسىما تيگەن مۇنداي دەلەلسٸز سٶزدٸ ەلەۋسٸز قالدىرا المايمىن. ونىڭ ٷستٸنە, سول ادامعا بٸرەۋدٸ قورلاۋدىڭ جاۋاپكەرشٸلٸگٸ بولاتىندىعى تۋرالى ەسكەرتكەنٸمدە, ول مۇنى قورقىتۋ دەپ قابىلدادى. مەن ەردايىم دەلەلدٸ, نەگٸزٸ بار تالاپتاردى تىڭداۋعا دايىنمىن. بٸراق بارلىقتارىڭىز سيياقتى جەكە باسىما قاتىستى قورلىققا شىدامايمىن», - دەدٸ ول.
ەكٸم ٶز سٶزٸندە جازباسىنا پٸكٸر قالدىرعان ازاماتتى زاڭ اياسىندا جاۋاپقا تارتقىسى كەلەتٸندٸگٸن جەتكٸزدٸ.
«مۇنداي قورلىق اتقارۋشى بيلٸك پەن تۇرعىندار اراسىنداعى تيٸمدٸ ديالوگقا جات. سٸزدەر بۇل وقيعاعا تٷسٸنٸستٸكپەن قاراپ, وبەكتيۆتٸ باعا بەرەدٸ دەپ سەنەمٸن», - دەدٸ جاقسىلىق ومار.
