ورتالىق سايلاۋ كوميسسيياسى تٶراعاسىنىڭ ورىنباسارى كونستانتين پەتروۆ قانداي جاعدايدا پارتييالىق تٸزٸمدٸ تٸركەۋ تۋرالى شەشٸم كٷشٸن جوياتىنىن تٷسٸندٸردٸ, دەپ حابارلايدى قازاقپارات.
«كونستيتۋتسييا زاڭىندا پارتييالىق تٸزٸمدٸ تٸركەۋ تۋرالى شەشٸمنٸڭ كٷشٸن جويۋدىڭ نەمەسە ادامدى پارتييالىق تٸزٸمنەن شىعارۋ تۋرالى شەشٸم قابىلداۋدىڭ نەگٸزدەرٸ كٶزدەلگەن. مەسەلەن, ورتالىق سايلاۋ كوميسسيياسى مىناداي جاعدايلاردا پارتييالىق تٸزٸمدٸ تٸركەۋ تۋرالى شەشٸمنٸڭ كٷشٸن جويادى: پارتييالىق تٸزٸمدٸ ۇسىنعان ساياسي پارتييا, ٶزٸ ۇسىنعان كانديداتتار, ونىڭ سەنٸم بٸلدٸرگەن ادامدارى سايلاۋ الدىنداعى ٷگٸتتٸ تٸركەۋ مەرزٸمٸ اياقتالعانعا دەيٸن جٷرگٸزسە, سونداي-اق بٷكٸل پارتييالىق تٸزٸمنٸڭ 50 پايىزىنان استامىن قۇرايتىن ادامدار پارتييالىق تٸزٸمنەن شىققان جاعدايلاردا پارتييالىق تٸزٸمدٸ تٸركەۋ تۋرالى شەشٸم كٷشٸن جويادى. ودان بٶلەك پارتييالىق تٸزٸمدٸ ۇسىنعان ساياسي پارتييانىڭ نەمەسە ونىڭ سەنٸم بٸلدٸرٸلگەن ادامدارىنىڭ كانديداتتىڭ, پارتييالىق تٸزٸمدٸ ۇسىنعان باسقا دا ساياسي پارتييانىڭ نەمەسە پارتييالىق تٸزٸمگە ەنگٸزٸلگەن ادامنىڭ ار-نامىسى مەن قادٸر-قاسيەتٸنە نۇقسان كەلتٸرەتٸن, ونىڭ ٸسكەرلٸك بەدەلٸنە نۇقسان كەلتٸرەتٸن جالعان مەلٸمەتتەر تاراتۋ فاكتٸسٸن سوت انىقتاعان جاعدايدا دا سول», - دەدٸ كونستانتين پەتروۆ ورتالىق سايلاۋ كوميسسيياسىنىڭ وتىرىسىندا.
سونىمەن قاتار پارتييالىق تٸزٸمدٸ ۇسىنعان ساياسي پارتييانىڭ نەمەسە ونىڭ سەنٸم بٸلدٸرٸلگەن ادامدارىنىڭ سايلاۋشىلاردى ساتىپ الۋ فاكتٸلەرٸن سوت انىقتاسا اتالعان شەشٸم كٷشٸن جويادى.
ايتا كەتسەك, ورتالىق سايلاۋ كوميسسيياسى تٸركەگەن پارتييالىق تٸزٸمگە «اۋىل» حالىقتىق-دەموكراتييالىق پاتريوتتىق پارتيياسى, «نۇر وتان» پارتيياسى, «ادال» پارتيياسى, «اق جول» مەن «قازاقستان حالىق پارتيياسى» ەنگەن بولاتىن. وسى پارتييالار ٶز قاتارىنان 312 ٷمٸتكەردٸ مەجٸلٸس دەپۋتاتتىعىنا ۇسىنعان.
ونىڭ ٸشٸندە اۋىل – 19, نۇر وتان – 126, ادال – 16, اق جول – 38, قازاقستان حالىق پارتيياسى 113 ادامدى ۇسىنىپ وتىر.
