قاراعاندى وبلىسىنىڭ ۇلىتاۋ اۋدانىندا تٶتەنشە جاعدايدىڭ الدىن الۋ جەنە جويۋ بويىنشا اۋداندىق كوميسسييا جۇمىس ٸستەيدٸ. اۋداندا بارلىعى 39 جەر پايدالانۋشى زارداپ شەكتٸ. ولاردىڭ جايىلىمدارى ٶرتەندٸ جەنە بٸر شارۋا قوجالىعى 318 مالىنان ايىرىلدى, دەپ حابارلايدى "ۇلت اقپارات".
قاراعاندى وبلىسى ەكٸمٸنٸڭ ورىنباسارى سەرٸك شايداروۆ زارداپ شەككەندەرگە قانداي قولداۋ كٶرسەتٸلەتٸنٸن تٷسٸندٸردٸ.
ەكٸم ورىنباسارى فەرمەرلەرمەن, ونىڭ ٸشٸندە مالى قىرىلعان شارۋا قوجالىعىنىڭ باسشىسى ساعىنتاي ەبدٸبەكوۆپەن كەزدەستٸ. تەۋەلسٸز ساراپشى فەرمەردٸڭ شىعىنىن باعالايدى. وعان نارىق قۇنى بويىنشا ٶتەماقى تٶلەنەدٸ.
«مەن مال شارۋاشىلىعىمەن 1996 جىلدان بەرٸ اينالىسامىن. وسىنداي جاعداي بٸزدٸڭ فەرمادا العاش رەت بولدى. ٶرت تەز تارادى. جەل ەكپٸندٸ بولىپ, باعىتىن ٶزگەرتتٸ. بٸز تٸپتٸ مالدى قاۋٸپسٸز جەرگە شىعارىپ ٷلگەرمەدٸك. بەرٸ ويداعىداي بولادى دەپ ٷمٸتتەنەمٸن. وبلىس ەكٸمٸنٸڭ ورىنباسارى, جەرگٸلٸكتٸ ەكٸم, اۋدان باسشىسى دا مەنٸمەن بايلانىسقا شىقتى. كٶمەكتەسۋگە ۋەدە بەردٸ. قيىندىقتا قالدىرماعاندارىڭىزعا راحمەت!», – دەيدٸ ساعىنتاي ەبدٸبەكوۆ.
جايىلىمدىق جەرلەر مەن شابىندىق جەرلەردەن ايىرىلعان فەرمەرلەرگە دە قيىن جاعدايدان شىعۋدىڭ شەشٸمدەرٸ ۇسىنىلدى.
«قازٸر اۋداننىڭ كٶپتەگەن فەرمەرلەرٸ زارداپ شەككەن فەرمەرلەرگە شٶپ شابۋ جەنە مال جايۋ ٷشٸن ٶز جەرٸن بەرۋدٸ ۇسىنادى – بۇل بٸر شەشٸم. ەكٸنشٸسٸ – بٸر جىلعا ٶتەۋسٸز مەملەكەتتٸك جەر بٶلەمٸز. مۇنداي شارتتى جاساۋعا جەر كودەكسٸ مٷمكٸندٸك بەرەدٸ», – دەپ تٷسٸندٸردٸ سەرٸك شايداروۆ.
