شىعىس اۋسترالييادا كٶپتەن كٷتكەن جاڭبىر جاۋدى. بيلٸك ٶكٸلدەرٸنٸڭ ايتۋىنشا, بۇل جاڭبىر 28 ادام مەن ميللياردقا جۋىق جانۋار تٷرلەرٸنٸڭ ٶمٸرٸن قيعان ورمان ٶرتٸن توقتاتۋعا, تىم بولماعاندا باقىلاۋعا الۋعا كٶمەكتەسەدٸ, دەپ حابارلايدى ەuronews.com.
تٸلسٸز جاۋدىڭ بەلەڭ الۋىنا ۇزاققا سوزىلعان قۇرعاقشىلىق سەبەپ بولدى. كليماتولوگتار ونى جاھاندىق جىلىنۋمەن بايلانىستىرادى. اۋستراليياداعى ورمان ٶرتٸ قىركٷيەك ايىنان بەرٸ توقتاماي جاتىر. جەلتوقساندا ەلدەگٸ ورتاشا تەمپەراتۋرا 42 تسەلسيي گرادۋسقا جۋىقتادى. قىزىل جالىن 2000 ٷي مەن 10 ملن گەكتار ورماندى جويدى. بۇل پورتۋگالييا جەنە وڭتٷستٸك كورەيا سەكٸلدٸ ەلدەردٸڭ جالپى اۋماعىنان دا كٶپ. قازٸرگٸ ۋاقىتتا سۇراپىل ٶرت جاڭا وڭتٷستٸك ۋەلس وڭتٷستٸك-شىعىس شتاتىندا جالعاسىپ جاتىر.
قاڭتارداعى جاڭبىر اۋانى تٷتٸننەن تازارتىپ مەلبۋرن تۇرعىندارىنىڭ كەڭ تىنىستاۋىنا مٷمكٸندٸك بەردٸ. سينوپتيكتەردٸڭ بولجاۋىنشا, جاڭا وڭتٷستٸك ۋەلستەگٸ جاۋىن –شاشىن اپتانىڭ سوڭىنا دەيٸن جالعاسادى.
