اقپاننىڭ 7-سٸ كٷنٸ جامبىل وبلىسى قورداي اۋدانى ماسانچي اۋىلىندا تۇرعىندار اراسىندا جانجال بولدى. جانجالدىڭ نەدەن شىققانى ەزٸرگە بەلگٸسٸز. بيلٸك ادام شىعىنى بولعانىن ايتتى. پوليتسييا "بۇزاقىلىق" بابى بويىنشا سوتقا دەيٸنگٸ تەرگەۋ امالدارىن جٷرگٸزە باستادى.
8 اقپانعا قاراعان تٷنٸ پوليتسييا جانجال بولعان اۋماقتى قورشاپ, ول جاققا ەشكٸمدٸ ٶتكٸزبەدٸ.
تاڭەرتەڭ ماسانچي اۋىلىنا زورعا جەتكەن ازاتتىق تٸلشٸلەرٸ اۋىلدا ٶرتەنگەن ٷيلەردٸڭ كٶپ ەكەنٸن كٶردٸ: دەمحانا, دٷكەن, كٶلٸك جۋاتىن ورىن. كەيبٸر عيماراتتىڭ تٶبەسٸ دە جوق.
تۇرعىنداردىڭ ايتۋىنشا, ورتالىق جاقتا ٶرتەنگەن ٷيلەر مۇنان دا كٶپ. اۋىل ٸشٸندە تٷتٸنگە قاقالاسىڭ.
مۇندا پوليتسييا قىزمەتكەرلەرٸ, تٶتەنشە جاعداي دەپارتامەنت ماماندارى, ٶرت سٶندٸرۋشٸلەر جٷردٸ.
تۇرعىنداردىڭ ايتۋىنشا, ماسانچيدەن بٶلەك قاراكەمەر اۋىلىندا دا ٶرت بولعان.
8 اقپاندا تاڭەرتەڭ مەلٸمدەمە جاساعان پرەزيدەنت قاسىم-جومارت توقاەۆ جانجال كەزٸندە ادام شىعىنى بولعانىن ايتتى. وقيعا سەبەپتەرٸن انىقتاۋ ٷشٸن ٷكٸمەت كوميسسيياسى قۇرىلعان.
قورداي اۋداندىق ورتالىق اۋرۋحاناسى دەرٸگەرلەرٸنٸڭ سٶزٸنە سٷيەنگەن Vlast.kz سايتىنىڭ جازۋىنشا, جانجالدان كٶپ ادام زارداپ شەككەن. دەرٸگەرلەر ولاردىڭ سانىن ايتپاعان.
سەنبٸگە قاراعان تٷن
ازاتتىق تٸلشٸلەرٸنٸڭ ايتۋىنشا, باتىس قىتاي - باتىس ەۋروپا اۆتوبانىنان قوردايعا بۇرىلعاننان كەيٸن اۋىلعا اپاراتىن جولدا تاڭعى 4 شاماسىندا 40-50-گە جۋىق ادام جينالىپ, ماسانچي اۋىلىنا ٶتپەك بولدى. ولاردىڭ باسىم بٶلٸگٸ جاستار, ارالارىندا ەرەسەكتەر دە بولعان. ولاردىڭ اشۋلى ەكەنٸ بايقالدى. بٸراق ولاردى ارنايى جاساق جٸبەرمەدٸ. كەيٸننەن ولار ٷيلەرٸنە قايتتى. قاراسۋ كەدەنٸنەن ٶتكەننەن كەيٸن تٸلشٸلەر جانجال بولعان اۋىلعا اپاراتىن جولدى بەتپەردە كيگەن, قالقاندارى بار ومون جاۋىپ تاستاعانىن دا كٶرگەن.
Whatsاpp مەسسەنجەرٸندە "قوردايدا تٷسٸرٸلگەن ۆيدەولار" دەپ تاراعان كادرلاردا ٶرتەنگەن عيمارات, جارىعى سىنعان كٶلٸكتەر, پوليتسييا كٶلٸكتەرٸ بايقالادى.
جامبىل وبلىستىق پوليتسييا دەپارتامەنتٸ جۇرتتى "تەك رەسمي اقپاراتقا سەنۋگە, جەلٸدە تاراعان اقپاراتتارعا سەنبەۋگە شاقىرىپ, جالعان اقپارات تاراتقاندار جاۋاپقا تارتىلاتىنىن" ەسكەرتتٸ.
قازاقستان پرەزيدەنتٸ قاسىم-جومارت توقاەۆ جامبىل وبلىسى قورداي اۋدانىندا بولعان تۇرعىندار اراسىنداعى جانجالعا قاتىستى Twitter جەلٸسٸندە پٸكٸر بٸلدٸرٸپ, “تٶبەلەستٸ ارانداتۋشىلار ٶز پايداسىنا قولدانباق بولعان” دەدٸ.
