قاراعاندى وبلىسى تجد باستىعىنىڭ مٸندەتٸن اتقارۋشى اقىلبەك احمەتجانوۆ وت شارپىعان «كەدر» مونشاسىنان بالانى الىپ شىققان جاس جٸگٸتتەردٸ ماراپاتتادى, دەپ حابارلايدى "ۇلت اقپارات".
«ٶرتتەن قۇتقارۋ كەزٸندە كٶرسەتكەن جانكەشتٸلٸگٸ مەن باتىلدىعى ٷشٸن شەرحان تٶلەۋحانوۆ پەن جانتٶلەۋ ەگٸنباي «تٶتەنشە جاعدايداعى ەرلٸگٸ ٷشٸن» تٶسبەلگٸسٸمەن ماراپاتتالدى. ونى قاراعاندى وبلىسى تجد باستىعىنىڭ مٸندەتٸن اتقارۋشى اقىلبەك احمەتجانوۆ تابىستادى. ول جٸگٸتتەردٸڭ باتىل ٸس-ەرەكەتٸن اتاپ ٶتٸپ, تٶتەنشە وقيعا كەزٸندە ٶزگەنٸڭ ٶمٸرٸنە نەمقۇرايلى قاراماعانى ٷشٸن العىسىن جەتكٸزدٸ», – دەپ حابارلادى قاراعاندى وبلىسى تجد باسپاسٶز قىزمەتٸ.
ەستەرٸڭٸزگە سالا كەتەيٸك, «كەدر» مونشا كەشەنٸندەگٸ ٶرت 29 مامىردا بولعان ەدٸ.
بٸرنەشە مينۋت ٸشٸندە كەشەننٸڭ ٶزٸ عانا ەمەس, سونىمەن قاتار كٶرشٸ ورنالاسقان تۇرعىن ٷيلەردٸڭ شارۋاشىلىق قۇرىلىستارى, سونداي-اق جاقىن ماڭداعى اۆتوموبيلدەر وتقا ورانعان بولاتىن.
ٶرت شىققان كەزدە عيماراتتا بولعان شەرحان تٶلەۋحانوۆ پەن جانتٶلەۋ ەگٸنباي عيماراتتىڭ استىڭعى قاباتىندا بالا قالىپ قويعانىن بايقاعان.
ولار بالانى دىمقىل سٷلگٸمەن جاۋىپ, ٶرت سٶندٸرۋشٸلەر كەلگەنگە دەيٸن جالىن اراسىنان كٶشەگە شىعارىپ ٷلگەرگەن.
تجد ٶرت سٶندٸرۋ بٶلٸمشەلەرٸ جانىپ جاتقان عيماراتتان تاعى بەس ادامدى قۇتقاردى.
