Qaraǵandy oblysy TJD bastyǵynyń mindetin atqarýshy Aqylbek Ahmetjanov ot sharpyǵan «Kedr» monshasynan balany alyp shyqqan jas jigitterdi marapattady, dep habarlaidy "Ult aqparat".
«Órtten qutqarý kezinde kórsetken jankeshtiligi men batyldyǵy úshin Sherhan Tóleýhanov pen Jantóleý Eginbai «Tótenshe jaǵdaidaǵy erligi úshin» tósbelgisimen marapattaldy. Ony Qaraǵandy oblysy TJD bastyǵynyń mindetin atqarýshy Aqylbek Ahmetjanov tabystady. Ol jigitterdiń batyl is-áreketin atap ótip, tótenshe oqiǵa kezinde ózgeniń ómirine nemquraily qaramaǵany úshin alǵysyn jetkizdi», – dep habarlady Qaraǵandy oblysy TJD baspasóz qyzmeti.
Esterińizge sala keteiik, «Kedr» monsha keshenindegi órt 29 mamyrda bolǵan edi.
Birneshe minýt ishinde keshenniń ózi ǵana emes, sonymen qatar kórshi ornalasqan turǵyn úilerdiń sharýashylyq qurylystary, sondai-aq jaqyn mańdaǵy avtomobilder otqa oranǵan bolatyn.
Órt shyqqan kezde ǵimaratta bolǵan Sherhan Tóleýhanov pen Jantóleý Eginbai ǵimarattyń astyńǵy qabatynda bala qalyp qoiǵanyn baiqaǵan.
Olar balany dymqyl súlgimen jaýyp, órt sóndirýshiler kelgenge deiin jalyn arasynan kóshege shyǵaryp úlgergen.
TJD órt sóndirý bólimsheleri janyp jatqan ǵimarattan taǵy bes adamdy qutqardy.
