قر ورتالىق سايلاۋ كوميسسيياسىنىڭ مٷشەلەرٸ ەقىۇ/دياقب سايلاۋدى بايقاۋ جٶنٸندەگٸ شەكتەۋلٸ ميسسيياسىنىڭ بايقاۋشىلارىمەن كەزدەستٸ, دەپ حابارلايدى "ۇلت اقپارات" election.gov.kz سٸلتەمە جاساپ.
قر ورتالىق سايلاۋ كوميسسيياسى مٷشەلەرٸ ەقىۇ/دياقب سايلاۋدى بايقاۋ جٶنٸندەگٸ شەكتەۋلٸ ميسسيياسىمەن كەزدەستٸ.
قر ورتالىق سايلاۋ كوميسسيياسىنىڭ تٶراعاسى بەرٸك يماشەۆ جاقىندا نۇر-سۇلتان قالاسىنا كەلگەن ەقىۇ/دياقب سايلاۋدى بايقاۋ جٶنٸندەگٸ شەكتەۋلٸ ميسسيياسىنىڭ مٷشەلەرٸن قارسى الدى.
وسك تٶراعاسى ميسسييا مٷشەلەرٸن سايلاۋدىڭ جارييالانعانىنان باستاپ داۋىس بەرۋ كٷنٸنە دەيٸنگٸ ناۋقاننىڭ نەگٸزگٸ كەزەڭدەرٸمەن قىسقاشا تانىستىردى.
ميسسييانىڭ باسشىسى, ەلشٸ ياروسلاۆ مارچين دومانسكي قازاقستاندىق تاراپقا قابىلداعانى ٷشٸن العىسىن بٸلدٸرٸپ, ميسسييانىڭ نەگٸزگٸ توبىنىڭ مٷشەلەرٸمەن تانىستىردى.
تاراپتار بٷكٸل سايلاۋ كەزەڭٸندە بەلسەندٸ ٶزارا ٸس-قيمىل جاساۋ تۋرالى ۋاعدالاستى.
كەزدەسۋ سوڭىندا تاراپتار دەستٷرلٸ تٷردە قالىپتاسقان ىنتىماقتاستىق پەن ٸزگٸ نيەت قاتىناستارى 2021 جىلى قازاقستان رەسپۋبليكاسى پارلامەنتٸ مەجٸلٸسٸنٸڭ دەپۋتاتتارىن سايلاۋ كەزٸندە ٶز دامۋىن تاباتىنىنا سەنٸم بٸلدٸردٸ.
