سولتٷستٸك قازاقستان وبلىسىنىڭ ع.مٷسٸرەپوۆ اۋدانىندا دەمالىستا جٷرگەن ٶرت سٶندٸرۋشٸ ٸليياس باحمانوۆ وتقا ورانعان ٷيدەن ەكٸ ادامدى الىپ شىعىپ, ٶلٸمنەن امان الىپ قالدى, دەپ حابارلايدى "ۇلت اقپارات".
سقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, وقيعا 5 اقپان تٷنگٸ ساعات 2.00 شاماسىندا نوۆويشيمكا ەلدٸ مەكەنٸندە بولعان. ع.مٷسٸرەپوۆ اۋداندىق №16 ٶرت بٶلٸمٸ باستىعىنىڭ ورىنباسارى, 26 جاستاعى ٸليياس باحمانوۆ كەلە جاتىپ, ەنگەلس كٶشەسٸندەگٸ 8 ٷيدٸڭ جانىپ جاتقانىن بايقايدى. تۇرعىن ٷيدٸڭ شاتىرىن جايلاعان جالىن, قورا-جايعا اۋىسا باستاعان.
«بٸردەن ٷيگە جٷگٸردٸم. ەسٸكتٸ اشىلمادى, ٸشٸنەن جابىلىپتى. «ياعني, ٷيدە ادامدار بار, ولارعا تەز كٶمەكتەسۋ كەرەك» دەگەن وي كەلدٸ. ٶرتكە قارسى قىزمەتتٸڭ جاۋىنگەرلٸك جارعىسىنا ساي بٸردەن كەزەكشٸ بٶلٸمگە حابار بەردٸم دە, كٸرەبەرٸستٸڭ تەرەزەسٸن سىندىرىپ, ٸشكە كٸردٸم. قويۋ تٷتٸننٸڭ اراسىنان ۇيىقتاپ جاتقان ەيەلدٸ تاپتىم. وياتىپ, تازا اۋاعا الىپ شىقتىم», - دەيدٸ ٸلياس ٶتكەن تٷندٸ ەسكە الىپ.
دالادا ەسٸن جيعان 63 جاستاعى ەيەل ٷيدە 68 جاستاعى كٷيەۋٸنٸڭ قالعانىن ايتقان.
«بەرٸ ساناۋلى مينۋتتا بولعانىمەن, ماعان ۇزاق ۋاقىت ٶتكەندەي كٶرٸندٸ. جالىن كٷشەيە تٷسكەندٸكتەن ٷيگە كٸرۋگە سەسكەنگەنٸمدٸ جاسىرمايمىن, بٸراق, ٸشتەگٸ ادامدى الىپ شىعۋعا بەل بۋدىم. تٷتٸننەن دىم كٶرٸنبەيدٸ. تٷرتٸنەكتەپ جٷرٸپ, تٷكپٸر بٶلمەلەردٸڭ بٸرٸنەن ەس-تٷسسٸز جاتقان ەر ادامدى تاۋىپ, ارقالاپ الىپ شىقتىم. العاشقى كٶمەك كٶرسەتٸپ, جەدەل جەردەم قىزمەتٸن شاقىردىم. بۇل ۋاقىتتا ەرٸپتەستەرٸم دە جەتٸپ ٷلگەرگەن ەدٸ», - دەيدٸ ٸليياس.
ٶرت سٶندٸرۋشٸلەر «حلەبنايا بازا №2» جشس كٶمەگٸمەن ٶرتتٸ دەر كەزٸندە اۋىزدىقتادى. ٷيدەن 4 گاز باللونى شىعارىلدى. جالىننان ٷيدٸڭ شاتىرى جەنە جاقىن ورنالاسقان قورا-جاي زاقىمداندى. ٷيدٸڭ ٸشٸ مەن دٷنيە-مٷلٸككە زاقىم كەلگەن جوق.
