قىرعىزستانداعى "ساپات" بٸلٸم بەرۋ مەكەمەسٸنٸڭ پرەزيدەنتٸ ورحان يناندىنى بٸشكەكتەن ٷش ادام ۇرلاپ, تٷركيياعا جەتكٸزگەن. بۇل جايىندا ول تٷركيياداعى ادۆوكاتى حاليل يبراگيم يىلمازعا ايتىپ بەرگەن.
ادۆوكات ازاتتىقتىڭ قىرعىز قىزمەتٸنە بەرگەن سۇقباتىندا يناندى الدىمەن بٸشكەكتە ۇستالىپ, كەيٸن تٷركيياعا جەتكٸزٸلگەن دەيدٸ.
"كٸمنٸڭ ۇرلاعانىن بٸلمەيدٸ. بٸراق قىرعىزستاندىق ادامداردىڭ ۇرلاعانىن ايتىپ جاتىر. ول قىرعىز ميليتسيياسى, قاۋٸپسٸزدٸك قىزمەتٸ نە باسقا توپ بولۋى مٷمكٸن. ەيتەۋٸر ونى ۇرلاۋ وپەراتسيياسىنا ۇلتى قىرعىز ٷش ادام قاتىسقان. بٸراق ولاردىڭ كٸم ەكەنٸن بٸلمەيدٸ. ونى ۇستاعان بويدا, كٶزٸن بايلاپ تاستاعان. كٶزٸ تاڭۋلى كٷيدە الدىمەن كٶلٸكپەن بەس-التى ساعات جٷرگەن, سوسىن ۇشاققا وتىرعىزعان. ول قاي جاقتان ۇشاققا وتىرعىزعانىن بٸلمەيدٸ" دەيدٸ ول.
ادۆوكاتى يناندى ٶزٸنە تاعىلعان ايىپتاردى مويىندامايدى دەيدٸ. بٸراق تەرگەۋدٸڭ بارلىق سۇراقتارىنا جاۋاپ بەرٸپ جاتىر. وسىعان دەيٸن تٷرٸك اقپارات اگەنتتٸكتەرٸ يناندى ٶزٸنە تاعىلعان ايىپتاردى مويىندادى دەپ حابارلاعان.
"ساپات" بٸلٸم بەرۋ مەكەمەسٸنٸڭ پرەزيدەنتٸ, تەگٸ تٷركييالىق ورحان يناندى 1 ماۋسىمعا قاراعان تٷنٸ جوعالىپ, سودان بەرٸ حابارسىز كەتكەن. ونى تٷركييانىڭ ارنايى قىزمەتٸ ٶلكەگە الىپ كەلگەنٸن پرەزيدەنت رەجەپ تايىپ ەردوعان 5 شٸلدەدەگٸ حالىققا جولداۋىندا ايتقان.
وسىعان بايلانىستى قىرعىزستاننىڭ سىرتقى ٸستەر مينيسترلٸگٸ تٷركيياعا نوتا جٸبەرٸپ, قىرعىز ازاماتىن ۇرلاپ كەتۋ حالىقارالىق تالاپتارعا سەيكەس كەلمەيتٸنٸن بٸلدٸرگەن.
ەردوعان بيلٸگٸ ورحان يناندىنى "گٷلەن" قوزعالىسىنىڭ ورتالىق ازيياداعى جەتەكشٸلەرٸنٸڭ بٸرٸ دەپ سيپاتتايدى. يناندى جوعالعاننان كەيٸن ونىڭ جٷزدەگەن جاقتاستارى نارازىلىق اكتسيياسىنا شىعىپ, قايتارىلۋىن تالاپ ەتكەن.
