قازاقستاندىق Orda.kz جوباسى 1 قىركٷيەكتەن باستاپ جۇمىسىن تولىق توقتاتاتىنىن مەلٸمدەدٸ. بۇل شەشٸم سايتپەن قاتار باسىلىمنىڭ ەلەۋمەتتٸك جەلٸدەگٸ پاراقشالارى مەن YouTube ارناسىنا دا قاتىستى, دەپ حابارلايدى ult.kz.
رەداكتسييانىڭ جۇمىسىن توقتاتۋ تۋرالى شەشٸمدٸ Ordamedia.kz جشس-نٸڭ قۇرىلتايشىسى ەرٸ العاشقى باسشىسى ماقسات عانيەۆ قابىلداعان.
رەداكتسييا جابىلۋدىڭ باستى سەبەبٸ رەتٸندە قارجىلىق قيىندىقتاردى اتادى. باسىلىمنىڭ ٶز كٸرٸسٸ رەداكتسييا جۇمىسىن ەرٸ قاراي قامتاماسىز ەتۋگە جەتكٸلٸكسٸز بولعان.
«قابىلدانعان شەشٸمنٸڭ استارىندا باسقا سەبەپ جوق. رەداكتسييانىڭ تاپقان قاراجاتى ونىڭ جۇمىسىن قامتاماسىز ەتۋگە جەتپەيدٸ. قازٸرگٸ جاعدايعا ەكەلگەن ٶزگە سەبەپتەر جوق», – دەلٸنگەن رەداكتسييا مەلٸمدەمەسٸندە.
سونداي-اق رەداكتسييا ٶز مٸندەتتەمەلەرٸن تولىق ورىنداۋ ٷشٸن قولدان كەلگەننٸڭ بەرٸن جاسايتىنىن اتاپ ٶتتٸ.
Orda.kz قازاقستاندىق جەنە شەتەلدٸك ەرٸپتەستەرٸنەن باسىلىمنىڭ جابىلۋىنا قاتىستى اقپاراتتى تەك رەداكتسييانىڭ رەسمي مەلٸمدەمەلەرٸنە سٷيەنٸپ تاراتۋدى سۇرادى. باس رەداكتور اننا پلاتونوۆا وقىرماندارعا العىسىن بٸلدٸردٸ.
ايتا كەتەيٸك, رەداكتسييا ماتەريالدارىن 31 تامىزدىڭ سوڭىنا دەيٸن جارييالايدى. ال 1 قىركٷيەكتەن باستاپ سايتتا جاڭا ماتەريالدار شىقپايدى.
