تٷركٸستان وبلىسى, ورداباسى اۋدانىنىڭ جۇرتشىلىعى دەستٷرلٸ «التىن كٷز - 2022» مەرەكەسٸن اتاپ ٶتتٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
اتالعان شارا اۋدانداعى اۋىلشارۋاشىلىق ٶنٸمدەرٸنٸڭ جەرمەڭكەسٸمەن باستاۋ الدى. وندا شارۋالار مەن ديقاندار, اتالعان سالادا جٷرگەن كەسٸپ يەلەرٸ جۇرتشىلىققا ٶز ٶنٸمدەرٸن ۇسىندى. سونداي-اق اسىل تۇقىمدى تٶرت تٷلٸك ٶسٸرۋشٸلەردٸڭ كٶرمەسٸ دە ۇيىمداستىرىلدى.
2022 جىلدىڭ 9 ايىندا اۋداندا اۋىل شارۋاشىلىعى سالاسىندا 53 ملرد. 818 ملن. تەڭگەنٸڭ ٶنٸمٸ ٶندٸرٸلدٸ. بۇل ٶتكەن جىلدىڭ تيٸستٸ كەزەڭٸمەن سالىستىرعاندا 3 ملرد. 446 ميلليون تەڭگەگە ارتىق.
بيىل اۋدان كٶلەمٸندە 68 495 گەكتارعا اۋىل شارۋاشىلىعى داقىلدارى ەگٸلٸپ, جوسپار 104 پايىزعا ورىندالدى. جالپى, 68 مىڭ گەكتاردان استام القاپقا ەگٸلگەن اۋىلشارۋاشىلىق داقىلدارىنان بٷگٸنگٸ تاڭدا بارلىعى 245 مىڭ توننادان استام ٶنٸم جينالدى.
اۋداندا 15,7 گەكتار جەرگە جىلىجاي قۇرىلىسى جٷرگٸزٸلٸپ, جوسپار 105 پايىزعا, تامشىلاتىپ سۋعارۋ 476 گەكتار جەرگە ەندٸرٸلٸپ, جوسپار 112 پايىزعا ورىندالىپ وتىر. سونداي-اق جاڭبىرلاتىپ سۋعارۋ جٷيەسٸ دە 500 گا استام القاپقا ەندٸرٸلٸپ, جوسپار 111 پايىزعا ورىندالدى.
ەگٸستٸك جەردٸ تيٸمدٸ پايدالانۋ ارقىلى «1 القاپتان 2-3 رەت ٶنٸم الۋ» جوباسى دا تيٸمدٸ جٷزەگە استى. اتاپ ايتار بولساق, 109 شارۋا قوجالىعى 363,7 گەكتارعا داقىلدار مەن كٶكٶنٸستەر ەكتٸ. نەتيجەسٸندە بٸرٸنشٸ ٶنٸمنەن – 7 854 توننا, ەكٸنشٸ ٶنٸمنەن 5 698 توننا ٶنٸم جينالدى.
اۋداندا مال شارۋاشىلىعى باعىتىندا دا ٶسٸم بايقالادى. ونىڭ ٸشٸندە تٶرت تٷلٸكتٸڭ سانى ارتۋدا. جىل باسىنان 7 734 توننا مال مەن قۇس ەتٸ, 37 861 توننا سيىر سٷتٸ جەنە 10 068 مىڭ دانا جۇمىرتقا ٶندٸرٸلدٸ.
