فوتو: "ورداباسى" فك باسپاسٶز قىزمەتٸ
شىمكەنتتە جولداستىق كەزدەسۋ كەزٸندە "ورداباسى" مەن "اقتٶبە" جاستار فۋتبول كوماندالارى اراسىندا جانجال شىعىپ, سوڭى تٶبەلەسكە ۇلاستى, دەپ حابارلايدى قالالىق پوليتسييا دەپارتامەنتٸ.
وقيعا سالدارىنان دەنە جاراقاتىن العان قاتىسۋشىلاردىڭ بٸرٸ اۋرۋحاناعا جەتكٸزٸلدٸ.
"ورداباسى" كومانداسىنىڭ كاپيتانى جانجالدىڭ باستاماشىسى بولعاندىعى انىقتالدى. ول قاماۋعا الىندى. قازٸرگٸ ۋاقىتتا ٸستٸڭ بارلىق مەن-جايىن جان-جاقتى, تولىق جەنە وبەكتيۆتٸ انىقتاۋعا باعىتتالعان تەرگەۋ كەشەنٸ جٷرگٸزٸلٸپ جاتىر", - دەيدٸ پوليتسييا.
پوليتسييا بۇزاقىلىق بەلگٸلەرٸ بويىنشا قىلمىستىق ٸس قوزعادى. وقيعانىڭ مەن-جايىن انىقتاۋ ٷشٸن وقيعانىڭ بارلىق قاتىسۋشىسى پوليتسييا بٶلٸمٸنە جەتكٸزٸلدٸ.
