Foto: "Ordabasy" FK baspasóz qyzmeti
Shymkentte joldastyq kezdesý kezinde "Ordabasy" men "Aqtóbe" jastar fýtbol komandalary arasynda janjal shyǵyp, sońy tóbeleske ulasty, dep habarlaidy qalalyq politsiia departamenti.
Oqiǵa saldarynan dene jaraqatyn alǵan qatysýshylardyń biri aýrýhanaǵa jetkizildi.
"Ordabasy" komandasynyń kapitany janjaldyń bastamashysy bolǵandyǵy anyqtaldy. Ol qamaýǵa alyndy. Qazirgi ýaqytta istiń barlyq mán-jaiyn jan-jaqty, tolyq jáne obektivti anyqtaýǵa baǵyttalǵan tergeý kesheni júrgizilip jatyr", - deidi politsiia.
Politsiia buzaqylyq belgileri boiynsha qylmystyq is qozǵady. Oqiǵanyń mán-jaiyn anyqtaý úshin oqiǵanyń barlyq qatysýshysy politsiia bólimine jetkizildi.
