فۋتبولدان قازاقستان چەمپيوناتىندا تاعى دا ۇپاي جوعالتقان "ورداباسى" كومانداسىنىڭ جانكٷيەرلەرٸ كلۋب اۆتوبۋسىن ستاديوننان شىعارماي, جولىن جاۋىپ تاستادى, - دەپ حابارلايدى Tengrinews.kz تٸلشٸسٸ Vesti.kz سايتىنا سٸلتەمە جاساپ.
كوماندا نەتيجەلەرٸنە كٶڭٸلٸ تولماعان جانكٷيەرلەر كلۋب باسشىلىعىمەن سٶيلەسپەك بولدى: كەيٸنگٸ تۋردا "اقجايىقتى" جەڭگەنگە دەيٸن شىمكەنتتٸكتەر جەتٸ كەزدەسۋ قاتارىنان جەڭٸسكە جەتە المادى. وسىلايشا تاراپتارى باسپاسٶز كونفەرەنتسيياسىن ٶتكٸزۋگە كەلٸستٸ.
بۇعان دەيٸن كلۋبتى قىمبات لەگيونەرلەردەن باس تارتۋعا مەجبٷر ەتۋٸ مٷمكٸن شارتتار ايتىلعان بولاتىن. قازٸر "ورداباسى" 21 ۇپايمەن جەتٸنشٸ ورىندا, ەۋروكۋبوك الاڭىنا ٷش ۇپاي جەتپەي تۇر.
ەسكە سالايىق, "ورداباسى" 16-تۋردا ٶز الاڭىندا "اقتٶبەدەن" جەڭٸلدٸ, كوماندا 15 كەزدەسۋدٸڭ بەسەۋٸندە عانا جەڭٸسكە جەتتٸ.
