11 سەۋٸر كٷنٸ ەبٸلقايىر حان داڭعىلىنداعى كٶپ قاباتتتى ٷيدەن شىققان ٶرتكە بايلانىستى اقتٶبە وبلىسىنىڭ ەكٸمٸ وڭداسىن ورازالين شۇعىل جيىن ٶتكٸزدٸ. جيىنعا وبلىس ەكٸمٸنٸڭ ورىنباسارى, تجد باستىعى, قالا ەكٸمٸ جەنە جاۋاپتى ورگاندار باسشىلارى قاتىستى.
وبلىستىق تٶتەنشە جاعدايلار دەپارتامەنتٸنٸڭ باستىعى باۋىرجان سىزدىقوۆتىڭ حابارلاۋىنشا ٶرت 9 قاباتتى №73 ٷيدٸڭ بالكونىنان شىققان. ٶرت سٶندٸرۋ جۇمىسىنا تجد-نٸڭ 29 قىزمەتكەرٸ مەن 8 بٸرلٸك تەحنيكاسى تارتىلدى. ٶرتتەن ٷيدٸڭ تۇرعىندارى زارداپ شەككەن جوق. جالپى اۋماعى 6 شارشى مەتردٸ قۇراعان ٶرت ورنىنان 50 ادام ەۆاكۋاتسييالاندى.
ٶرت بولعان جەرگە ارنايى كەلٸپ تۇرعىندارمەن كەزدەسكەن و.ورازالين تٷستەن كەيٸن بارلىق جاۋاپتى مەملەكەتتٸك ورگانداردى جيناپ, ارنايى تاپسىرمالار بەردٸ.
«بۇل ەكٸنشٸ رەت قايتالانىپ وتىرعان تٶتەنشە جاعداي. وسى جايت تۇرعىندار تاراپىنان نارازىلىق تۋدىرىپ وتىر. الداعى ۋاقىتتا مۇنداي جاعدايلاردى بولدىرماۋ ماقساتىندا جان جاقتى جۇمىس جٷرگٸزۋٸمٸز قاجەت. قۋانىشىمىزعا وراي, ٶرت سٶندٸرۋ قىزمەتٸنٸڭ شۇعىل كەلۋٸنٸڭ ارقاسىندا ادام شىعىنى بولعان جوق. ەندٸگٸ مٸندەت - قالا تۇرعىندارىنىڭ قاۋٸپسٸزدٸگٸن قامتاماسىز ەتۋ ماقساتىندا قالا ەكٸمدٸگٸ وسىنداي ٶرت تۋدىراتىن قاپتاۋلارى بار بارلىق تۇرعىن ٷيلەردٸ انىقتاپ, ەسەپكە الۋى تيٸس» - دەدٸ وبلىس ەكٸمٸ جاۋاپتى ماماندارعا تاپسىرما بەرٸپ.
ايتا كەتەيٸك, ٶرت شىققان ٷيگە ٶرت سٶندٸرۋشٸلەر 4 مينۋتتا جەتكەن. تجد قىزمەتٸنٸڭ العاشقى زەرتتەۋ جۇمىستارىنىڭ قورىتىندىسى بويىنشا ٶرتتٸڭ شىعۋ سەبەبٸ ٶشپەي قالعان تەمەكٸ نەمەسە سٸرٸڭكەنٸڭ 2013 جىلى قاپتالعان ٷيدٸڭ سىرتقى دەكوراتيۆتٸ قاپتاۋلارىنا تييۋٸنەن تۋىنداۋى مٷمكٸن.
«اقتٶبە قالاسى بويىنشا قاسبەتٸ تەز جاناتىن قۇرىلىس ماتەريالىمەن قاپتالعان 13 كٶپقاباتتى ٷي بار. بٸز جەرگٸلٸكتٸ ەكٸمدٸككە حابار بەرٸپ, بەرٸن اۋىستىرۋدى سۇرادىق. قازٸر جۇمىس اتقارىلىپ جاتىر. اقتٶبە وبلىسىنىڭ ەكٸمدٸگٸ قالا ەكٸمدٸگٸنە تاپسىرما بەردٸ. بەرٸن الماستىرۋى مٷمكٸن», - دەدٸ اقتٶبە وبلىستىق تٶتەنشە جاعدايلار دەپارتامەنتٸنٸڭ باستىعى باۋىرجان سىزدىقوۆ.
ايتا كەتەيٸك, تۇرعىندار دا تەز تۇتانىپ, جاناتىن قۇرىلىس ماتەريالىن مٷلدە الىپ تاستاۋدى سۇراپ وتىر.
«تۇرعىندار كەيدە تەمەكٸ تۇقىلىن تاستايدى. سول كەزدە دە وسىنداي ٶرت شىعۋى مٷمكٸن. بٸزگە ەسەمدٸك ەمەس, قاۋٸپسٸزدٸك قاجەت. العاش رەت ٶرت بولعان كەزدە-اق الىپ تاستاۋدى سۇرادىق, بٸراق نەتيجە شىقپاي تۇر», - دەدٸ پيك تٶرايىمى تاتيانا گرەچكو.
