بٷگٸن دٷنيەدەن ٶتكەن بەلگٸلٸ اقىن, قوعام قايراتكەرٸ ورازاقىن اسقاردى اقتىق ساپارعا شىعارىپ سالۋ رەسٸمٸ الماتىدا ٶتەدٸ, دەپ حابارلايدى "ۇلت اقپارات".
«بەلگٸلٸ اقىن, قوعام قايراتكەرٸ ورازاقىن اسقاردى سوڭعى ساپارعا شىعارىپ سالۋ رەسٸمٸ 25 قاڭتار كٷنٸ الماتىداعى جازۋشىلار وداعىندا ٶتەدٸ. جانازا ساعات 10.00-دە باستالادى», - دەدٸ قر مەدەنيەت جەنە سپورت مينيسترلٸگٸنٸڭ باسپاسٶز حاتشىسى ايدار قىرىقباي.
ەسكە سالا كەتسەك, بٷگٸن قازاقتىڭ بەلگٸلٸ اقىنى ورازاقىن اسقار 84 جاسقا قاراعان شاعىندا دٷنيەدەن وزدى.
ورازاقىن اسقار 1935 جىلى قىتاي حالىق رەسپۋبليكاسىنىڭ ٸلە ايماعىندا دٷنيەگە كەلگەن. قۇلجا قالاسىندا گيمنازييانى بٸتٸرٸپ, ٷرٸمجٸ قالاسىنداعى ۇلتتار ينستيتۋتىنىڭ تٸل جەنە ەدەبيەت فاكۋلتەتٸنە تٷسكەن. قوسىمشا «شىڭجاڭ گازەتٸ» رەداكتسيياسىنا قىزمەتكە تۇرعان. 1955 جىلى اتامەكەنٸ قازاقستانعا كٶشٸپ كەلٸپ, 1961 جىلى قازاق مەملەكەتتٸك ۋنيۆەرسيتەتٸنٸڭ فيلولوگييا فاكۋلتەتٸن بٸتٸرٸپ شىعادى.
بٸراز جىل قازاق كسر عىلىم اكادەميياسىنىڭ ش. ۋەليحانوۆ اتىنداعى تاريح, ەتنوگرافييا جەنە ارحەولوگييا ينستيتۋتىندا كٸشٸ عىلىمي قىزمەتكەر, ودان كەيٸن قازاقستان جازۋشىلار وداعىنىڭ كٶركەم ەدەبيەتتٸ ناسيحاتتاۋ بيۋروسىندا نۇسقاۋشى, رەسپۋبليكالىق كٸتاپ پالاتاسىندا بٶلٸم مەڭگەرۋشٸسٸ, «جالىن» باسپاسىندا اعا رەداكتور بولعان. جىلدار بويى قازاقتىڭ قارا ٶلەڭٸن ەل ٸشٸنەن جيناپ, ەكٸ تومىن باستىردى. «ەدەبي مۇرا» باعدارلاماسىنا وراي, «ەلەم بالالار ەدەبيەتٸنٸڭ» قازاق تٸلٸندەگٸ ەلۋ تومدىعىن شىعارۋ جۇمىسىنا اتسالىستى.
ايتا كەتەيٸك, قازاقستان رەسپۋبليكاسىنىڭ مەدەنيەت جەنە سپورت مينيسترٸ ارىستانبەك مۇحامەديۇلى اقىن, قوعام قايراتكەرٸ, ورازاقىن اسقاردىڭ دٷنيە سالۋىنا وراي كٶڭٸل ايتتى.
"قازاقتىڭ ماڭدايىنا بٸتكەن دارا تۇلعا, كٶرنەكتٸ قالامگەر, ۇلت جاناشىرى ورازاقىن اسقار اعامىز دٷنيەدەن وزدى. ۇلتتىق ەدەبيەتٸمٸزدە ٶزٸنٸڭ قايتالانباس قولتاڭباسىن قالدىرعان تالانتتى سۋرەتكەر, قازاقتىڭ بٸرتۋار ازاماتى كەلمەس ساپارعا اتتاندى. قازاق ەدەبيەتٸنٸڭ قارالى كٷنٸ بارشاڭىزعا قايعىرىپ كٶڭٸل ايتامىن. اللا الدىڭىزدان جارىلقاسىن, اعا! جانىڭىز جەناتتا بولسىن", - دەپ جازدى مينيستر كٶڭٸل ايتۋ حاتىندا.
