قر اقپارات جەنە قوعامدىق دامۋ مينيسترٸ ايدا بالاەۆا مۇسىلماندار ٷشٸن قاسيەتتٸ مەرەكەنٸڭ بٸرٸ – ورازا ايتپەن قۇتتىقتادى, دەپ حابارلايدى "ۇلت اقپارات".
«مۇسىلمان قاۋىمى ٷشٸن قاسيەتتٸ مەرەكەلەردٸڭ بٸرٸ – ورازا ايت قۇتتى بولسىن!
ادامزات بالاسىن سابىر مەن كەشٸرٸمگە, قاناعات پەن قايىرىمعا شاقىرىپ, رۋحاني جاڭارۋعا ٷندەيتٸن قاسيەتتٸ رامازان ايى دا اياقتالدى. وسى ايدا ورازا ۇستاپ, امال جاساعان بارشا ازاماتتاردىڭ دۇعا-نيەتتەرٸنٸڭ قابىل بولۋىن تٸلەيمٸن.
ورازا ايتتا – ەربٸر مۇسىلمان كٶمەككە مۇقتاج جاندارعا كەڭٸنەن قولداۋ كٶرسەتٸپ, ساۋابى مول يگٸ ٸستەر جاسايدى. ٶكٸنٸشكە وراي, بيىلعى ورازا ايت دا كارانتيندٸك شەكتەۋلەر جاعدايىندا كەلٸپ تۇر. قاجەتتٸ ساقتىق شارالارىن ساقتاپ, تٶزٸمدٸلٸك تانىتساق, كەلەر جىلدىڭ ورازا ايتىن قالىپتى جاعدايدا قارسى الامىز دەپ ٷمٸتتەنەمٸن.
ٶكپە-رەنٸشتٸ ۇمىتىپ, قاتە-كەمشٸلٸكتەردٸ كەشٸرۋگە ٷندەيتٸن ورازا ايتىندا بارشاڭىزعا زور دەنساۋلىق, وتباسى اماندىعى مەن باق-بەرەكە تٸلەيمٸن. حالقىمىزدىڭ بٸرلٸگٸ نىعايىپ, رۋحاني ىنتىماعى ارتا بەرسٸن.
ايت مٷبەراك بولسىن!», دەپ جازدى مينيستر Facebook-تەگٸ پاراقشاسىندا.
