QR Aqparat jáne qoǵamdyq damý ministri Aida Balaeva musylmandar úshin qasietti merekeniń biri – Oraza aitpen quttyqtady, dep habarlaidy "Ult aqparat".
«Musylman qaýymy úshin qasietti merekelerdiń biri – Oraza ait qutty bolsyn!
Adamzat balasyn sabyr men keshirimge, qanaǵat pen qaiyrymǵa shaqyryp, rýhani jańarýǵa úndeitin qasietti Ramazan aiy da aiaqtaldy. Osy aida oraza ustap, amal jasaǵan barsha azamattardyń duǵa-nietteriniń qabyl bolýyn tileimin.
Oraza aitta – árbir musylman kómekke muqtaj jandarǵa keńinen qoldaý kórsetip, saýaby mol igi ister jasaidy. Ókinishke orai, biylǵy Oraza ait da karantindik shekteýler jaǵdaiynda kelip tur. Qajetti saqtyq sharalaryn saqtap, tózimdilik tanytsaq, keler jyldyń Oraza aityn qalypty jaǵdaida qarsy alamyz dep úmittenemin.
Ókpe-renishti umytyp, qate-kemshilikterdi keshirýge úndeitin Oraza aitynda barshańyzǵa zor densaýlyq, otbasy amandyǵy men baq-bereke tileimin. Halqymyzdyń birligi nyǵaiyp, rýhani yntymaǵy arta bersin.
Ait múbárak bolsyn!», dep jazdy ministr Facebook-tegi paraqshasynda.
