باتىس قازاقستان وبلىسىندا شىعاتىن "ۋرالسكايا نەدەليا" گازەتٸنٸڭ جۋرناليسٸ لۇقپان احمەدياروۆ ٶزٸنٸڭ قىلمىستىق كودەكستٸڭ 378-بابى ("بيلٸك ٶكٸلٸنە تٸل تيگٸزۋ") بويىنشا سوتالدى تەرگەۋگە تارتىلعانىن حابارلادى.
احمەدياروۆتىڭ ازاتتىققا ايتۋىنشا, 22 شٸلدە, دەمالىس كٷنٸ ورالدان قاشىققا كەتكەن كەزٸندە ۇيالى تەلەفونىنا ٶزٸن پوليتسييا قىزمەتكەرٸ تۇرمانوۆ دەپ تانىستىرعان ادام قوڭىراۋ سوعىپ, جۋرناليستٸڭ بۇرىن جاساعان ەكٸمشٸلٸك قۇقىق بۇزۋ ەرەكەتٸ بويىنشا حاتتاما تولتىرۋ ٷشٸن پوليتسيياعا كەلٸپ كەتۋٸن سۇراعان.
- ونىڭ سٶزٸ تٷسٸنٸكسٸزدەۋ بولعاندىقتان, ياعني ول مەنٸڭ قالادان جىراقتا ەكەنٸمدٸ تٷسٸنبەگەندٸكتەن وعان قالادان الىستا ەكەنٸمدٸ جەنە قازٸر بارا المايتىنىمدى قايتالاۋعا مەجبٷر بولدىم. ال ول قالايدا كەلۋٸمدٸ تالاپ ەتە باستاعان سوڭ وعان "كەتشٸ ەرمەن" دەگەن سىڭايدا سٶز ايتىپ قويدىم, - دەدٸ احمەدياروۆ ازاتتىققا.
جۋرناليستٸڭ سٶزٸنشە, 9 تامىزدا ٶزٸنٸڭ ٷستٸنەن ارىز جازعان ورال قالالىق №8 پوليتسييا پۋنككتٸنٸڭ ۋچاسكەلٸك پوليتسەيٸ ەدٸل تۇرمانوۆپەن تەلەفونداعى ەڭگٸمەسٸن اۋديو تاسپاعا جازۋدىڭ زاڭدىلىعىن دەلەلدەۋدٸ سۇراعان شاعىمىنا جاۋاپ بەرۋگە ٶزٸن پوليتسيياعا شاقىرعان. احمەدياروۆ ەزٸرگە ٶزٸنٸڭ ٸس بويىنشا كۋەگەر ەكەنٸن ايتادى.
پوليتسييا لۇقپان احمەدياروۆ ايتقان اقپاراتتى جوققا شىعارىپ, يا راستامادى. ورال قالالىق ٸشكٸ ٸستەر باسقارماسىنىڭ باسپاسٶز حاتشىسى گٷلامان ىسماعۇلوۆا تەلەفون ارقىلى كوممەنتاريي بەرۋگە ۋەدە بەرگەنٸمەن, سول كٷيٸ بايلانىسپادى. ەدٸل تۇرمانوۆتىڭ جۇمىس تەلەفونىنا ەشكٸم جاۋاپ بەرمەدٸ.
قىلمىستىق كودەكس بويىنشا, "بيلٸك ٶكٸلٸنە تٸل تيگٸزگەنٸ" ٷشٸن 100 ايلىق ەسەپتٸك كٶرسەتكٸش كٶلەمٸندە ايىپپۇل سالىنىپ, 120 ساعاتقا دەيٸن قوعامدىق جۇمىسقا تارتىلۋ نەمەسە 45 ەكٸمشٸلٸك قاماۋعا الۋ جازاسى كەسٸلەدٸ.
لۇقپان احمەدياروۆ 2012 جىلى قاستاندىق جاسالىپ, تٸرٸ قالعان. احمەدياروۆ پەن ونىڭ ادۆوكاتتارى قاستاندىقتى ونىڭ ازاماتتىق بەلسەندٸلٸگٸ مەن كەسٸبي قىزمەتٸمەن بايلانىستىرادى. احمەدياروۆتى بۇعان دەيٸن كٷش قۇرىلىمدارىنىڭ شەنەۋنٸكتەرٸ بٸرنەشە رەت سوتقا بەرٸپ, ٸرٸ كٶلەمدە ايىپپۇل تٶلەۋگە مەجبٷرلەگەن.
سانات ورىن ەلي, "ازاتتىق"
