سۋ تاسقىنى: ورالداعى شاعان جەنە دەركٶل ٶزەندەرٸ تاسىپ, تۇرعىندار ەۆاكۋاتسييالانىپ جاتىر

فوتو: بقو تجد

ورال قالاسىندا شاعان جەنە دەركٶل ٶزەندەرٸ قاۋٸپتٸ دەڭگەيدەن اسىپ كەتتٸ. شاعان جەنە دەركٶل ٶزەنٸ بٸر ارنادى تولىق توعىستى. جايىق ٶزەنٸنٸڭ كٶتەرٸلۋٸ جەنە اتالمىش ەكٸ ٶزەننٸڭ توعىسۋى سۋدىڭ اعىسپەن كەتپەي, سىرتقا شىعۋىنا الىپ كەلدٸ, دەپ حابارلايدى «ۇلت اقپارات» بقو تج دەپارتامەنتٸنٸڭ باسپاسٶز قىزمەتٸنە سٸلتەمە جاساپ.

مامانداردىڭ باعالاۋىنشا, دەركٶل ٶزەنٸنٸڭ گيدروبەكەتٸندە سۋ دەڭگەيٸ 708 (قاۋٸپتٸ دەڭگەيٸ – 600-650 سم), شاعاندا 1 264 سانتيمەترگە, سونداي-اق جايىقتا 583 سانتيمەترگە جەتتٸ.

سونىڭ سالدارىنان ٶزەن سۋلارى ارناعا سىيماي, ورال قالاسىنداعى سامال شاعىن اۋدانىنا جايىلا باستادى. 

قازٸرگٸ ۋاقىتتا سامال شاعىن اۋدانىنىڭ تۇرعىندارىن قاۋٸپسٸز جەرلەرگە, ەۆاكۋاتسييالىق پۋنكتتەرگە كٶشٸرۋ جٷرگٸزٸلۋدە. تٶتەنشە جاعدايلار مەن كوممۋنالدىق قىزمەت ماماندارى جۇمىس ٸستەپ جاتىر. 

بقو ەكٸمٸ ناريمان تٶرەعاليەۆ سامال شاعىن اۋدانىنا بارىپ, جاعدايدى جٸتٸ باقىلاۋدا ۇستاپ وتىر. تيٸستٸ جۇمىستار جٷرگٸزٸلۋدە.

بقو تج دەپارتامەنتٸنٸڭ باسپاسٶز قىزمەتٸنەن مەلٸم ەتكەنٸندەي, قۇتقارۋشىلار دەركٶل كەنتٸ قازاق-تٷرٸك ليتسەيٸ اۋدانى جەنە "سامال 3" شاعىناۋدانىندا اۋلالاردى قاراپ شىقتى. تۇرعىنداردىڭ جارتىسىنان كٶبٸ تۋىستارىنا الدىن الا كەتكەن. قالعاندارى ەۆاكۋاتسييادان باس تارتتى. 

"جارىق بار, تۇيىقتالۋدان قامتاماسىز ەتٸلدٸ. ەۆاكۋاتسييالاۋعا بقو تجد جەكە قۇرامى, اپاتتار مەديتسيناسى ورتالىعى, № 28237 ەسكەري بٶلٸمٸ, ۇلتتىق ۇلاننىڭ № 5517 ەسكەري بٶلٸمٸ, اۋماقتىق قورعانىس ارنايى تەحنيكالارمەن قاتىسۋدا. وبلىس جەنە قالا باسشىلارى, تجد باستىعى وقيعا ورنىندا. تٶتەنشە جاعدايلار, پوليتسييا دەپارتامەنتتەرٸمەن كەزەكشٸلٸك ۇيىمداستىرىلعان. تۇرعىنداردان دٷربەلەڭگە تٷسپەۋدٸ, تٶتەنشە جاعدايلار دەپارتامەنتٸ مەن جەرگٸلٸكتٸ اتقارۋشى ورگانداردىڭ ۇسىنىستارىنا سەيكەس ەرەكەت ەتۋدٸ جەنە قاجەت بولعان جاعدايدا قاۋٸپسٸز جەرلەرگە كٶشۋدٸ سۇرايمىز. كٶمەك قاجەت جاعدايدا 112 تەلەفونىنا حابارلاسۋعا بولادى", – دەدٸ دەپارتامەنتتٸڭ باسپاسٶز قىزمەتٸ.

سونىمەن قاتار سۋ باسۋ قاۋپٸ تٶنگەن تەرەكتٸ اۋدانى ۇزىنكٶل اۋىلىنان 705 ادام كٶشٸرٸلسە, سونىڭ 230-ى – بالالار. ولاردىڭ 685-ٸ (223-ٸ – بالالار) تۋىستارىنا كەتسە, قالعاندارى تەرەكتٸ اۋدانى پودستەپنىي اۋىلىنداعى جەنە ورال قالاسىنداعى مەكتەپتەرگە ورنالاستىرىلدى.