فوتو: موي گورود
بٷگٸن, 21 تامىزدا, ارنايى اۋدانارالىق قىلمىستىق ٸستەر بويىنشا سوتتا مۇعالٸم نادەجدا نيكيتينانىڭ ٶلٸمٸنە قاتىستى سوت پروتسەسٸ باستالدى, دەپ حابارلايدى "ۇلت اقپارات" "موي گورود" باسىلىمىنا سٸلتەمە جاساپ.
ايىپتالۋشى — 41 جاستاعى تەمٸر سارسەنوۆ. وعان قىلمىستىق كودەكستٸڭ ٷش بٸردەي بابى بويىنشا ايىپ تاعىلدى: كٸسٸ ٶلتٸرۋ, ۇرلىق جەنە قارۋدى زاڭسىز ساقتاۋ. ٸستٸ سۋديا اسلانبەك ديۋسەنعاليەۆ قاراۋدا.
ٸس ماتەريالدارىنا سەيكەس, ايىپتالۋشى 2020 جىلى №9 ورتا مەكتەپتٸڭ باستاۋىش سىنىپ مۇعالٸمٸ نادەجدا نيكيتينامەن تانىسقان. سول كەزدە ول وقۋ سىنىبىنا كومپيۋتەر ورناتىپ جاتقان. كەيٸن مارقۇم بٸرنەشە رەت وعان وقۋ سىنىبىنداعى جەنە ٷيدەگٸ تەحنيكالىق اقاۋلاردى جٶندەۋگە كٶمەك سۇراپ جٷگٸنگەن.
وسى جىلدىڭ 24 سەۋٸرٸندە نيكيتينا كەزەكتٸ رەت سارسەنوۆكە كٶمەك سۇراپ حابارلاسقان. ايىپتالۋشى كەلٸپ, بٸراق جۇمىسىن اياقتاماي, ەرتەڭگٸ كٷنگە ۋەدە بەرگەن. 25 سەۋٸردە سارسەنوۆ نيكيتيناعا ٶزٸنٸڭ نوۋتبۋگٸمەن كەلٸپ, مارقۇمنىڭ جاتىن بٶلمەسٸندە كومپيۋتەردٸ جٶندەۋگە كٸرٸسكەن. سول كەزدە نيكيتينا اس ٷيدە وقۋشىسىمەن قوسىمشا ساباق ٶتكٸزٸپ جاتقان.
"وقۋشىنى شىعارىپ سالعاننان كەيٸن, نيكيتينا سارسەنوۆكە جاقىنداپ, ارالارىندا جانجال شىققان. سارسەنوۆ ەيەلدٸ ديۆانعا قۇلاتىپ, ونىڭ كوفتاسىنىڭ جاعاسىمەن تۇنشىقتىرعان. كەيٸن پىشاقپەن مارقۇمنىڭ موينىنا جاراقات سالعان. نيكيتينانىڭ ٶلٸمٸنە مەحانيكالىق اسفيكسييا سەبەپ بولعان", — دەپ پروكۋرور ايىپتاۋ اكتٸسٸن وقىدى.
ايىپتالۋشى بۇدان كەيٸن ٸزٸن جاسىرۋ ٷشٸن ۇرلىق جاساۋدى شەشكەن. ول پەتەردەن التىن بۇيىمدار, سٶمكە, ەمييان, تەلەفون جەنە بانك كارتالارىن الىپ كەتكەن. جالپى ماتەريالدىق شىعىن 1,7 ميلليون تەڭگەنٸ قۇراعان.
ايتا كەتۋ كەرەك, سارسەنوۆتٸڭ پەتەرٸنەن پوليتسييا بٸرنەشە قارۋ مەن وق-دەرٸلەر تاپقان, ولاردىڭ ساقتاۋعا رۇقساتى بولماعان.
تەمٸر سارسەنوۆ القا بيلەردٸڭ قاتىسۋىمەن سوت ٶتكٸزۋدەن باس تارتتى. نەگٸزگٸ سوت تالقىلاۋى 27 تامىزعا بەلگٸلەندٸ. ايتپاقشى, سوت زالىندا ايىپتالۋشىنىڭ سۋرەتكە جەنە بەينەجازباعا تٷسٸرۋگە جۋرناليستەرگە تىيىم سالىندى.
