فوتو ©Tengrinews.kz
شاعان ٶزەنٸ القابىنداعى اعاشتاردىڭ وتالۋى قوعام بەلسەندٸلەرٸنٸڭ نارازىلىعىن تۋدىردى. بۇل مەسەلە ەكولوگييالىق قوعامدىق كەڭەس وتىرىسىندا كٶتەرٸلدٸ. 4 گەكتار اۋماققا دەنەشىنىقتىرۋ-ساۋىقتىرۋ كەشەنٸن سالۋ جوسپارلانىپ جاتقانى بەلگٸلٸ بولدى, - دەپ حابارلايدى Tengrinews.kz تٸلشٸسٸ.
"قوعامدا ٶزەن القابى مەن سۋ قورعاۋ ايماقتارىن يگەرۋ مەسەلەسٸ رەزونانس تۋدىرىپ وتىر. جەر تەلٸمدەرٸ جەكەمەنشٸككە ٶتٸپ, كەيٸن قوجايىندارى اعاشتاردى كەسۋگە كٸرٸسەدٸ. بيزنەستٸڭ دامۋىنا قارسى ەمەسپٸز, بٸراق تابيعاتقا زييان تيگٸزبەسە بولعانى. كٶپ ۇزاماي جۇرت دەمالاتىن جەر قالمايدى, بارلىق اعاش كەسٸلٸپ, ۋچاسكەلەر بوساماي قالادى", - دەدٸ ورال ەكولوگييالىق-گەوگرافييالىق قوعامداستىعىنىڭ تٶراعاسى دارحان ساريەۆ.
ەكولوگييالىق كەڭەستە 4 گەكتار جەر تەلٸمٸنٸڭ يەسٸ دە سٶز سٶيلەدٸ.
"بۇل جەردٸ 2014 جىلى كوتتەدج سالۋ ٷشٸن ساتىپ العانمىن. ەندٸ وسى جەرگە جابىق فۋتبول الاڭدارىن سالۋ يدەياسى تۋىندادى. جازدا الاڭداردى "اقجايىقتىڭ" جاس فۋتبولشىلارى پايدالانادى. قۋراعان اعاشتاردى كەستٸك. تەرەكتەر مەن قاراعاشتاردىڭ ورنىنا جوعارى سورتتى اعاشتار وتىرعىزىلادى. بۇل جوباعا 800 ميلليون تەڭگەگە جۋىق ينۆەستيتسييا سالىنادى", - دەدٸ كەسٸپكەر مۇڭايتپاس مينيۋس.
ورال قالاسىنىڭ ەكٸمدٸگٸ شاعان ٶزەنٸ ماڭىنداعى ۋچاسكەنٸڭ دەمالىس ايماعىنا جاتپايتىنىن ايتتى.
"بۇل ورمان ەمەس, سۋ باسقان ايماق. سوندىقتان ول جەردە, سونىڭ ٸشٸندە سپورت نىساندارىن سالۋعا رۇقسات ەتٸلگەن. جەكەمەنشٸكتٸڭ اتى - جەكەمەنشٸك", - دەپ تٷسٸندٸردٸ ورال قالاسى ەكٸمٸنٸڭ ورىنباسارى اسحات قۇلباەۆ.
ايتا كەتەيٸك, مۇنداي جاعداي ورالدا بٸرٸنشٸ رەت بولىپ وتىرعان جوق. قالا بيلٸگٸ 700 گەكتار اۋماقتى پەرەۆالوچنايا ورمان اۋماعىندا جول سالۋ جوسپارىن جارييالادى. بۇل جوبا دا قورشاعان ورتانى قورعاۋ بەلسەندٸلەرٸنٸڭ نارازىلىعىن تۋدىردى.
