ورالدا جٷكتٸ كەلٸنشەكتٸ اۋرۋحاناعا اپارا جاتقان جەدەل جەردەم كٶلٸگٸ جول اپاتىنا ۇشىرادى, دەپ حابارلايدى "ۇلت اقپارات".
بقو پوليتسييا دەپارتامەنتٸ باسپاسٶز قىزمەتٸنەن تٷسكەن مەلٸمەتكە قاراعاندا,وقيعا بٷگٸن شامامەن ساعات 13.47-دە بولدى.
س.تيۋلەنين مەن م.شولوحوۆ كٶشەلەرٸنٸڭ قيىلىسىندا جەدەل جەردەم كٶلٸگٸ مەن Toyota Alphard تٷيٸسكەن.
وقيعا ورنىندا پوليتسييا قىزمەتكەرلەرٸ جۇمىس جاسادى.
وبلىستىق دەنساۋلىق ساقتاۋ باسقارماسىنىڭ ناقتىلاۋىنشا, بەيتەرەك اۋدانى دارييان اۋرۋحاناسىنىڭ سانيتارلىق كٶلٸگٸ ەكٸقابات ەيەلدٸ كارديولوگتان كەڭەس الۋ ٷشٸن وبلىستىق كارديولوگييالىق ورتالىققا اپارا جاتقان.
كٶلٸكتە اۋرۋحانا مەدبيكەسٸ دە بولعان. ارنايى كٶلٸك جارىق بەرۋ بەلگٸلەرٸمەن كەلە جاتسا دا, كٶلٸكتەردٸڭ بٸرٸ ونى ٶتكٸبەي, سول جاعىنان تٷيگەن.
سالدارىنان جەدەل جەردەم كٶلٸگٸ بٸر بٷيٸرٸنە اۋدارىلىپ قالدى.
وقيعا ورنىنا جەتكەن باسقا جەدەل جەردەم كٶلٸگٸ جٷكتٸ كەلٸنشەكتٸ وبلىستىق پەريناتالدىق ورتالىققا جەتكٸزدٸ.
تەكسەرۋ كەزٸندە ونىڭ جەنە 35-36 اپتا بولعان شارانانىڭ زارداپ شەكپەگەنٸ انىقتالدى. دەگەنمەن ودان ەرٸ باقىلاۋ ٷشٸن ەيەل ورتالىققا جاتقىزىلدى.
جٷرگٸزۋشٸ زارداپ شەكپەگەن. مەدبيكەنٸڭ ازداپ دەنەسٸ كٶگەرگەن.
