Oralda júkti kelinshekti aýrýhanaǵa apara jatqan jedel járdem kóligi jol apatyna ushyrady, dep habarlaidy "Ult aqparat".
BQO politsiia departamenti baspasóz qyzmetinen túsken málimetke qaraǵanda,oqiǵa búgin shamamen saǵat 13.47-de boldy.
S.Tiýlenin men M.Sholohov kósheleriniń qiylysynda jedel járdem kóligi men Toyota Alphard túiisken.
Oqiǵa ornynda politsiia qyzmetkerleri jumys jasady.
Oblystyq densaýlyq saqtaý basqarmasynyń naqtylaýynsha, Báiterek aýdany Dariian aýrýhanasynyń sanitarlyq kóligi ekiqabat áieldi kardiologtan keńes alý úshin oblystyq kardiologiialyq ortalyqqa apara jatqan.
Kólikte aýrýhana medbikesi de bolǵan. Arnaiy kólik jaryq berý belgilerimen kele jatsa da, kólikterdiń biri ony ótkibei, sol jaǵynan túigen.
Saldarynan jedel járdem kóligi bir búiirine aýdarylyp qaldy.
Oqiǵa ornyna jetken basqa jedel járdem kóligi júkti kelinshekti oblystyq perinataldyq ortalyqqa jetkizdi.
Tekserý kezinde onyń jáne 35-36 apta bolǵan sharananyń zardap shekpegeni anyqtaldy. Degenmen odan ári baqylaý úshin áiel ortalyqqa jatqyzyldy.
Júrgizýshi zardap shekpegen. Medbikeniń azdap denesi kógergen.
