ورالدا قازاقستاننىڭ حالىق جازۋشىسى, اقىن جۇبان مولداعاليەۆتٸڭ 100 جىلدىعىنا ارنالعان «قييال قاناتى» رەسپۋبليكالىق دۋەت (پوەزييا مەن سۋرەت) ونلاين بايقاۋى مەرەگە جەتتٸ, دەپ حابارلايدى "ۇلت اقپارات".
وبلىستىق حالىق شىعارماشىلىعى ورتالىعىنىڭ ديرەكتورى مەۋلەت جۇباتوۆتىڭ ايتۋىنشا, مۇنداي سيپاتتاعى بەيگە ەلٸمٸزدە العاش رەت ۇيىمداستىرىلدى.
«بايقاۋدىڭ ەرەكشەلٸگٸ, اقىن مەن سۋرەتشٸ جۇپ قۇرىپ, ٶلەڭٸ مەن سۋرەتٸن بٸرگە بەيگەگە قوسۋى كەرەك بولدى. ياعني جىر مەن بوياۋ كٶركەمدٸگٸ ٶز الدىنا, بٸر-بٸرٸمەن ٷندەسٸپ تۇرۋى قاجەت. قازىلار القاسى دا شىعارمالاردى اۆتورلارىن بٸلمەستەن, بٷركەنشٸك ەسٸممەن تالقىعا سالىپ, قورىتىندىسىن شىعاردى. مۇنداي سايىستى بولاشاقتا دا جالعاستىرۋ ويلاستىرىلۋدا», دەدٸ م.جۇباتوۆ.
سايىسقا ەلٸمٸز ٶڭٸرلەرٸنەن بارلىعى 17 دۋەت قاتىسىپ, جۇبان اقىنعا ارنالعان ٶز جۇمىستارىن بەيگەگە قوستى.
قازىلار القاسىنىڭ شەشٸمٸمەن پاۆلودارلىقتار, اقىن الپىسباي حونج بەن سۋرەتشٸ جەڭٸس مولدابەكوۆ باس جٷلدەنٸ جەڭٸپ الدى.
بقو-نىڭ اقجايىق اۋدانىنان ات قوسقان اقىن ساعىنتاي بيسەنعاليەۆ پەن سۋرەتشٸ دانييار ٸزباساروۆ بٸرٸنشٸ ورىنعا يە بولدى. سونداي-اق باتىسقازاقستاندىقتار, اقىن سىيلىحان جۇماسالىق پەن سۋرەتشٸ نۇرتاي جەردەموۆ ەكٸنشٸ جٷلدەنٸ ەنشٸلەدٸ. قاراعاندىلىقتار, اقىن جانات تٸلەگەنوۆ پەن سۋرەتشٸ ەرسٸن تەمٸرعاليەۆ ٷشٸنشٸ ورىنعا ٸلٸكتٸ.
باتىسقازاقستاندىقتار, اقىن مەرلەن عيلىمحان مەن سۋرەتشٸ ارمان يماشەۆ ديپلومانت اتاندى.
