اقىن, قازاقستاننىڭ حالىق جازۋشىسى, مەملەكەتتٸك سىيلىقتىڭ يەگەرٸ جۇبان مولداعاليەۆكە ورال قالاسىندا ەسكەرتكٸش ورناتىلادى, دەپ حابارلايدى "ۇلت اقپارات".
وبلىستىق مەدەنيەت باسقارماسى باسشىسىنىڭ مٸندەتٸن اتقارۋشى سايران دٷيسەنتەگٸنٸڭ ايتۋىنشا, بۇل شارا اقىننىڭ 100 جىلدىعى اياسىندا جٷزەگە اسپاقشى.
«قازٸرگٸ كەزدە ەسكيزدٸك جوبالار قر مەدەنيەت جەنە سپورت مينيسترلٸگٸنە جولداندى. رەسپۋبليكالىق كوميسسييا بەكٸتكەننەن كەيٸن ەسكەرتكٸش ورناتۋ جۇمىستارى باستالادى. ونى ورالداعى جۇبان باعىندا ورناتۋ كٶزدەلۋدە. وندا تۇرعان اقىن مٷسٸنٸ باسقا جەرگە كٶشٸرٸلەدٸ», دەدٸ سايران دٷيسەنتەگٸ.
جۇبان مولداعاليەۆتٸڭ 100 جىلدىعىنا ارنالعان نەگٸزگٸ شارالاردى قىركٷيەك ايىنىڭ اياعىندا ٶتكٸزۋ جوسپارلانۋدا.
حالىقارالىق جۇبان وقۋلارى, رەسپۋبليكالىق عىلىمي-تەجٸريبەلٸك كونفەرەنتسييا, ٷش تٸلدە ەنتسيكلوپەدييا شىعارۋ سىندى شارالار جٷزەگە اسىرىلادى. تۋعان جەرٸ اقجايىق اۋدانىندا دەمەۋشٸلەردٸڭ كٷشٸمەن جۇبان ورتالىعىن سالۋ ويلاستىرىلۋدا.
جۇبان مولداعاليەۆ – قازاقستان عانا ەمەس, 1978 جىلى كسرو مەملەكەتتٸك سىيلىعىن يەلەنٸپ, وداقتىق دەڭگەيدە دە مويىندالعان اقىن. كسرو جەنە قازاقستاننىڭ جوعارى كەڭەسٸنٸڭ دەپۋتاتى بولعان ول ەلٸمٸزدٸڭ جازۋشىلار وداعىن دا باسقاردى.
قىلىشىنان قان تامعان كەڭەستٸك دەۋٸردٸڭ ٶزٸندە «مەن – قازاقپىن» دەپ جار سالىپ, اتاقتى پوەماسىن جازعان قايراتكەر اقىن 1986 جىلعى جەلتوقسان كٶتەرٸلٸسٸ كەزٸندە بۇعىپ قالماي, كولبينگە اششى شىندىقتى جايىپ سالىپ, جاستارعا اراشا تٷستٸ. جۇبان مولداعاليەۆ وسى بٸرەگەي ەرلٸگٸمەن دە ەل ەسٸندە قالاتىن بولادى.
قازٸرگٸ ۋاقىتتا وبلىستا ج.مولداعاليەۆتٸڭ 100 جىلدىعىنا وراي ارنايى جۇمىس توبى جۇمىس جاساپ جاتىر.
ايبارلى اقىنعا ورالدا عانا ەمەس, ەلوردا مەن الماتىدا ەسكەرتكٸش ورناتۋ, حالىق قاھارمانى اتاعىن بەرۋ تۋرالى ۇسىنىستار ايتىلۋدا.
ەسكە سالا كەتەيٸك, بۇدان بۇرىن اقساي قالاسىندا ابايدىڭ ەسكەرتكٸشٸ ورناتىلاتىنىن جازعان بولاتىنبىز.
