ورالدا جوعالىپ كەتكەن 9 جاسار بالا امان-ەسەن تابىلدى, دەپ حابارلايدى "ۇلت اقپارات".
بقو پوليتسييا دەپارتامەنتٸنٸڭ رەسمي ٶكٸلٸ بولاتبەك بەلگٸبەكوۆ مەلٸم ەتكەندەي, بالانىڭ جوعالىپ كەتكەنٸ جٶنٸندە حابار كەشە ساعات 20.17-دە تٷسكەن.
جەدەل ٸزدەستٸرۋ شارالارى بارىسىندا پاترۋلدٸك پوليتسييا باتالونىنىڭ ۆزۆود كومانديرٸ, پوليتسييا اعا لەيتەنانتى مەربول جانعاليەۆ بالانى ساعات 21.13-تە امان-ەسەن تاۋىپ الدى.
بالانىڭ اناسى نۇرگٷل سيسەنوۆانىڭ سٶزٸنە قاراعاندا, ۇلى ساعات 13.00-دە ٶزدەرٸ تۇراتىن زاچاگان كەنتٸنەن قالانىڭ ەكٸنشٸ شەتٸندەگٸ مەسكەۋ كٶشەسٸ بويىندا ورنالاسقان وقۋشىلار سارايىندا ورنالاسقان د.ەلەۋسٸنوۆ اتىنداعى بوكس مەكتەبٸنە كەتكەن.
جاتتىعۋدان ساعات 17.00-دە شىققاننان كەيٸن ٷيٸنە ورالماعان. ٶزدەرٸ جان-جاققا حابار سالىپ, ٸزدەگەنمەن, تابا الماعاننان كەيٸن پوليتسيياعا جٷگٸنگەن.
بالانىڭ اتا-اناسى ۇلدارىن بٸر ساعاتقا جەتكٸزبەي تاپقان پوليتسييا قىزمەتكەرٸنە العىسىن جەتكٸزدٸ.
