ورالدا ۋچاسكەلٸك پوليتسييا ينسپەكتورى ٶزٸنە-ٶزٸ قول جۇمساماق بولعان ەر ادامدى ٶلٸمنەن امان الىپ قالدى, – دەپ حابارلايدى Polisia.kz.
4 جەلتوقسان ساعات 20:52-دە ورال قالاسى پب اباي كەزەكشٸ بٶلٸمٸنە بەلگٸسٸز ەيەل ادام حابارلاسىپ, اعاسىنىڭ ٶزٸنە قول جۇمساماق بولعان بەينەجازبا جٸبەرگەنٸن جەنە وعان دەرەۋ كٶمەك كٶرسەتۋ كەرەك ەكەنٸ تۋرالى ايتقان. حابارلاما تٷسكەن بويدا كٶرسەتٸلگەن مەكەنجاي بويىنشا №1 ۋچاسكەلٸك پوليتسييا بەكەتٸنٸڭ ۋچاسكەلٸك پوليتسييا ينسپەكتورى ەلجاس سەرٸكقاليەۆ بارعان. وقيعا ورنىنا كەلٸپ جەتكەن ول ٷيدٸڭ ٸشٸ-سىرتىن تٷگەل تەكسەرٸپ, ەشكٸمنٸڭ جوق ەكەنٸنە كٶز جەتكٸزەدٸ. دەسە دە, ٷيدە بولعان جاننىڭ الىسقا كەتە قويماعانىن, ٷستەل ٷستٸندەگٸ ٸشٸمدٸكتەردەن, تەلەديداردىڭ قوسۋلى تۇرعانىنان اڭعارادى.
سودان قايتا تەكسەرٸپ, سىرتقا شىقسا, ٷيدٸڭ جانىنداعى قوسىمشا بٶلمەدە جارىقتىڭ جاعۋلى تۇرعانىن بايقاپ قالىپ, سوعان قاراي بەسەڭدەپ بارىپ, ەسٸكتٸ اشادى. سٶيتٸپ, الدىنداعى ازاماتتىڭ ٶز-ٶزٸنە قول جۇمساماق بولىپ, اسىلىپ تۇرعانىن كٶرەدٸ. دەرەۋ باتىلدىق تانىتىپ, سۋيتسيدكە بارعان ادامدى اياعىنان ۇستاپ, جوعارى كٶتەرٸپ الىپ, جٸپتەن شەشٸپ, العاشقى كٶمەك كٶرسەتە باستايدى. تەز ارادا جەدەل جەردەم شاقىرىپ, ٶلٸم اۋزىنان امان الىپ قالادى.
"سول سەتتە ونىڭ ٶمٸرٸنەن ماڭىزدى ەشتەڭە بولمادى. ونىڭ ٶمٸرٸ مەنٸڭ قولىمدا تۇرعانداي سەزٸندٸم. جاقىنداعاندا ەر ادامنىڭ اسىلىپ قالعانىن بايقادىم, مەن جٷگٸرٸپ بارىپ, ونىڭ اياعىنان ۇستاپ, جٸپتەن بوساتىپ, جەرگە تٷسٸردٸم. ول ەكٸ مەرتە قادام جاساعان, بٸرٸنشٸسٸندە ٷزٸلٸپ كەتٸپ, ەكٸنشٸسٸندە مەن كەلٸپ ٷلگەردٸم. ول ەسٸنەن تانىپ قالدى. ٶمٸر سٷرۋ بەلگٸلەرٸن كٶرسەتپەدٸ. بەتٸنەن ۇرعىلاپ, قولىمنان كەلگەن كٶمەگٸمدٸ كٶرسەتتٸم. بٸرنەشە سەكۋندتان كەيٸن ەلگٸ ەر ادام تەرەڭ دەم الدى", – دەپ قۋانا جاۋاپ بەردٸ پوليتسييا ينسپەكتورى ەلجاس سەرٸكقاليەۆ.
تەكسەرۋ كەزٸندە ەر ادامنىڭ وتباسىلىق جاعدايلارعا بايلانىستى ٸشٸمدٸك ٸشكەن كٷيدە سۋيتسيدكە بارعانى بەلگٸلٸ بولدى. قازٸرگٸ ۋاقىتتا جاعدايى قالىپتى, دەرٸگەرلەردٸڭ ايتۋىنشا, ونىڭ ٶمٸرٸنە ەش قاۋٸپ جوق.
