ورالدا كٷيشٸ-كومپوزيتور دەۋلەتكەرەي شىعايۇلىنىڭ 200, اسا كٶرنەكتٸ ورىنداۋشى ناۋشا بٶكەيحانوۆتىڭ 150 جىلدىعىنا ارنالعان «كٷمبٸرلەگەن كٷمٸس كٷي» رەسپۋبليكالىق دومبىراشىلار بايقاۋى مەرەگە جەتتٸ, دەپ حابارلايدى "ۇلت اقپارات".
وبلىستىق حالىق شىعارماشىلىعى ورتالىعى ۇيىمداستىرعان كٷي سايىسىنا الماتى قالاسى, ماڭعىستاۋ (جاڭاٶزەن), اتىراۋ, قىزىلوردا جەنە باتىس قازاقستان وبلىستارىنان بارلىعى 14 ٷمٸتكەر قاتىستى.
دومبىراشىلار ەكٸ كٷنگە سوزىلعان, ٷش كەزەڭنەن تۇراتىن بايقاۋ بارىسىندا دەۋلەتكەرەي, ناۋشا جەنە قۇرمانعازىنىڭ كٷيلەرٸن ورىندادى. سوڭعى كەزەڭدە ولاردى ع.قۇرمانعاليەۆ اتىنداعى باتىس قازاقستان وبلىستىق فيلارمونيياسى دەۋلەتكەرەي اتىنداعى ۇلت اسپاپتار وركەسترٸ (باس ديريجەرى ەرٸ كٶركەمدٸك جەتەكشٸسٸ ەركٸن نۇرىمبەتوۆ) سٷيەمەلدەدٸ.
رەسپۋبليكاعا تانىمال دومبىراشى, قازاقستاننىڭ ەڭبەك سٸڭٸرگەن مەدەنيەت قىزمەتكەرٸ ەرمەك قازيەۆ باستاعان قازىلار القاسىنىڭ شەشٸمٸمەن باس جٷلدە (500 مىڭ تەڭگە) اتىراۋلىق جەنٸبەك جەميەۆكە بۇيىردى.
الماتىلىق نازەركە بازارباەۆا بٸرٸنشٸ (300 مىڭ تەڭگە), اتىراۋلىق قايرات جۇماعاليەۆ پەن تاعى بٸر الماتىلىق اقىلبەك بەكتاسوۆ ەكٸنشٸ (150 مىڭ تەڭگە), الماتىلىق ازامات شىناروۆ پەن ورالدىق نارگيزا كاسۋموۆا ٷشٸنشٸ (75 مىڭ تەڭگە) ورىنعا يە بولدى.
قازاق مۋزىكاسىنىڭ التىن قورىنا ماحامبەت, قۇرمانعازى, ناقىش, مٷسٸرەلٸ, سوقىر ەسجان, قوجاقتىڭ كٷيلەرٸن بەرگەن شەبەر ورىنداۋشى, ماحامبەت اتىنداعى سىيلىقتىڭ جەنە «حالىق كٷيشٸسٸ» اتاعىنىڭ يەگەرٸ ٶتەگەن جۇماشەۆتٸڭ وسى كٷندەرٸ 90 جاسقا تولۋىنا وراي ارنايى سىيلىق (100 مىڭ تەڭگە) بەلگٸلەندٸ. ول قىزىلوردالىق باۋىرجان سەيدەلٸنٸڭ ەنشٸسٸندە كەتتٸ. ال ورالدىقتار ەلٸبەك قۋانىشەليەۆ پەن ەدٸلبەك قوداروۆ ديپلومانت اتاندى (25 مىڭ تەڭگە).
«تٶرە مەكتەبٸنٸڭ نەگٸزٸن قالاعان, ليريكالىق سىرلى سازدارىمەن ەلٸنٸڭ جٷرەگٸن تەربەگەن دەۋلەتكەرەيدٸڭ كٷيشٸلٸك مۇراسى حان تۇقىمىنان بولعاندىقتان, كەڭەس دەۋٸرٸندە قۋعىندالسا دا, حالىق جادىنان جوعالعان جوق. ونىڭ كٷيلەرٸن ٶتكەن عاسىردا ناۋشا بٶكەيحانوۆ جەتكٸزسە, اكادەميك احمەت جۇبانوۆ اماناتتاعان دەستٷردٸ بٸز جالعاستىرىپ كەلەمٸز. دەۋلەتكەرەيدٸڭ 200 جىلدىعى كەڭ كٶلەمدە اتالىپ ٶتٸلۋٸ تيٸس ەدٸ. ٸندەتكە بايلانىستى كٶرەرمەندەرسٸز بولدى. بايقاۋدا دەۋلەتكەرەيدٸڭ كٶپتەن ورىندالماي كەلگەن كٷيلەرٸ تارتىلىپ جاتىر. بۇل – قۋانىش, جاقسىلىق, وسىنداي ٸزدەنٸستەرٸمٸزدٸ جالعاستىرا بەرۋٸمٸز كەرەك», دەدٸ الماتىدان ارنايى كەلگەن قازاقستاننىڭ ەڭبەك سٸڭٸرگەن قايراتكەرٸ, ماحامبەت اتىنداعى سىيلىقتىڭ يەگەرٸ, پروفەسسور, دەۋلەتكەرەي كٷيلەرٸن نوتاعا تٷسٸرٸپ, زەرتتەگەن كەريما ساحارباەۆا.
