فوتو: © AFP 2023 / MARIA ANTONOVA /
ورال قالاسىندا بالاسىن قوقىس جەشٸگٸنە تاستاعان ەيەلدٸڭ ماتەريالدىق جاعدايى تٶمەن بولعان. بۇل تۋرالى باتىس قازاقستان وبلىسى "انا ٷيٸ" قوعامدىق قورىنىڭ ٷيلەستٸرۋشٸسٸ زەمزەگٷل شكانوۆا ايتتى, دەپ حابارلايدى Sputnik قازاقستان.
نەرەستەسٸن تاستاعان انانىڭ ٷش بالاسى بار. ٷشەۋٸ دە مەكتەپ جاسىنا تولماعان. ٷشٸنشٸ سەبيٸنە جٷكتٸ كەزٸندە "انا ٷيٸنٸڭ" ماماندارى كٶمەك كٶرسەتكەن.
"بٸزدٸڭ ەشكٸمدٸ كٸنەلاۋعا حاقىمىز جوق. تاياقتىڭ ەكٸ ۇشى بار, ەيەلدٸڭ جاعدايىن دا ويلاۋ كەرەك. نە ٷشٸن وسىنداي دەرەجەگە جەتتٸ? ٷشٸنشٸ بالاسىنا اياعى اۋىر بولعان كەزدە كٶمەكتەسەيٸكشٸ دەپ شەشتٸم. ول كەزدە بٸزگە بۇل كٸسٸنٸڭ سول كەزدەگٸ جاعدايىن ايتىپ, ەرٸكتٸلەر حابارلاسقان بولاتىن. سول كەزدە ماتەريالدىق جاعدايى دۇرىس بولماعان, كٷيەۋٸمەن, ەنەسٸمەن كەلٸسە الماي جٷرگەن. بٸز پسيحولوگييالىق كٶمەك كٶرسەتتٸك", - دەيدٸ "انا ٷيٸنٸڭ" ٷيلەستٸرۋشٸسٸ زەمزەگٷل شكانوۆا.
"انا ٷيٸ" ماماندارىنىڭ ايتۋىنشا, ەيەلدٸڭ دەنساۋلىعى دا دۇرىس ەمەس. ال كٷيەۋٸ دٸن جولىنداعى ادام.
"ول كٸشكەنتايىنان مەيٸرٸمگە زەرۋ بولىپ ٶسكەن ادام. قازٸرگٸ كٷنٸ ٶزٸنٸڭ ەكە-شەشەسٸمەن پەتەر جالداپ تۇرادى. كٸشكەنتاي بالاسىنىڭ جاسى نەبەرٸ 1,5 جاستا. ول بالاسىنان باس تارتاتىن انا ەمەس, بالاسى ٷشٸن جانىن بەرەتٸن ادام. ەشكٸمنەن دەمەۋ كٶرمەي, جانى قينالعان سوڭ امالسىز وسى قادامعا باردى دەپ ويلايمىن. ٶيتكەنٸ تالاي رەت ونىڭ مەيٸرٸمدٸلٸگٸن كٶزٸمٸزبەن كٶردٸك", - دەيدٸ زەمزەگٷل شكانوۆا.
قوعامدىق قور مٷشەلەرٸنٸڭ ايتۋىنشا, اناعا قولداۋ كەرەك.
ايتا كەتەرٸ, باتىس قازاقستان وبلىسىنداعى "انا ٷيٸ" اشىلعالى 10 جىل ٶتكەن, وسى ۋاقىتتا 250 انا پانالاپ, كەيٸن اياعىنان تٸك تۇرىپ, جاقسى ٶمٸر سٷرٸپ كەتكەن. قازٸرگٸ كٷنٸ مۇندا 4 انا مەن 5 بالا تۇرىپ جاتىر.
"نەگٸزٸ بٸزگە مەتسەناتتار ٶتە كٶپ كٶمەكتەسەدٸ. سولاردىڭ ارقاسىندا تالاي انا بالاسىمەن بٸرگە قالدى. ولار وسى مەكەمەگە كٶمەكتەسپەسە قالاي بولارىن كٸم بٸلسٸن. مٸنە دەل قازٸر پەرزەنتحانادان تاعى بٸر انانى شىعارىپ الايىق دەپ تۇرمىز, ٶيتكەنٸ جٸگٸتٸ الداپ تاستاپ كەتكەن, قىز بٶپەسٸن بوسانىپ, اۋرۋحانادان سوڭ قايدا بارارىن بٸلمەي تۇر", - دەيدٸ "انا ٷيٸنٸڭ" ٷيلەستٸرۋشٸسٸ.
زەمزەگٷل شكانوۆا ەر ادامدار جاۋاپكەرشٸلٸكتەن سىتىلىپ كەتەدٸ, جاۋاپسىز ەكەلەرگە قاتىستى زاڭدى كٷشەيتۋ كەرەك دەيدٸ.
