ورالدا بالالار الاڭىندا اتا-انالار تٶبەلەسٸپ قالدى.
پوليتسييا اقپاراتىنا سەيكەس, وقيعا 25 مامىردا بولعان. پوليتسيياعا كٶپقاباتتى ٷيدٸڭ اۋلاسىندا كٶرشٸلەر اراسىندا جانجال شىققانى تۋرالى حابار كەشكٸ ساعات 22:00 شاماسىندا تٷستٸ. كۋەگەرلەر نە بولعانىن ۆيدەوعا تٷسٸرٸپ ٷلگەرگەن, دەپ حابارلادى Polisia.kz.
باستاپقىدا بالالار رەنجٸسٸپ قالعان, سودان كەيٸن ولاردىڭ اتا-اناسى جانجالداسقان. ارتى تٶبەلەسكە ۇلاسقان. پاترۋلدٸك جاساق وقيعا ورنىنا كەلگەننەن كەيٸن جانجالعا قاتىسۋشىلاردىڭ قۇقىققا قايشى ٸس-ەرەكەتتەرٸ تىيىلدى.
تٶبەلەسكە قاتىسقان بٸرنەشە ادام جەڭٸل دەنە جاراقاتىن العان. جانجالعا قاتىسۋشىلار مەن كۋەگەرلەر سۇرالۋدا. ولارعا قاتىستى قىلمىستىق كودەكستٸڭ 293-بابى 2-بٶلٸگٸ "بۇزاقىلىق" بويىنشا سوتقا دەيٸنگٸ تەرگەۋ باستالدى.
اتالعان باپ بويىنشا 5000 اەك (14 585 000 تەڭگە) دەيiنگi مٶلشەردە ايىپپۇل سالۋ نە سول مٶلشەردە تٷزەۋ جۇمىستارىنا تارتۋ, نە 5 جىلعا دەيiنگi مەرزiمگە باس بوستاندىعىن شەكتەۋ نە سول مەرزiمگە باس بوستاندىعىنان ايىرۋ جازاسى قاراستىرىلعان.
