Oralda balalar alańynda ata-analar tóbelesip qaldy.
Politsiia aqparatyna sáikes, oqiǵa 25 mamyrda bolǵan. Politsiiaǵa kópqabatty úidiń aýlasynda kórshiler arasynda janjal shyqqany týraly habar keshki saǵat 22:00 shamasynda tústi. Kýágerler ne bolǵanyn videoǵa túsirip úlgergen, dep habarlady Polisia.kz.
Bastapqyda balalar renjisip qalǵan, sodan keiin olardyń ata-anasy janjaldasqan. Arty tóbeleske ulasqan. Patrýldik jasaq oqiǵa ornyna kelgennen keiin janjalǵa qatysýshylardyń quqyqqa qaishy is-áreketteri tyiyldy.
Tóbeleske qatysqan birneshe adam jeńil dene jaraqatyn alǵan. Janjalǵa qatysýshylar men kýágerler suralýda. Olarǵa qatysty Qylmystyq kodekstiń 293-baby 2-bóligi "buzaqylyq" boiynsha sotqa deiingi tergeý bastaldy.
Atalǵan bap boiynsha 5000 AEK (14 585 000 teńge) deiingi mólsherde aiyppul salý ne sol mólsherde túzeý jumystaryna tartý, ne 5 jylǵa deiingi merzimge bas bostandyǵyn shekteý ne sol merzimge bas bostandyǵynan aiyrý jazasy qarastyrylǵan.
