ورالدىقتار بالالارىن مەكتەپكە جٸبەرمەي وتىر. ولار ساناتورييالىق بٸلٸم وشاعىنا اۋىسۋعا نارازى. اتا-انالاردىڭ ايتۋىنشا, وندا تۋبەركۋلەزگە شالدىققاندارمەن بايلانىستا بولعان بالالار بٸلٸم الىپتى, - دەپ حابارلايدى Tengrinews.kz "استانا" تەلەارناسىنا سٸلتەمە جاساپ.
تەلەارنا مەلٸمەتٸنشە, اتا-انالار مەكتەپ باسشىلىعىنىڭ مۇنداي شەشٸمٸن قۇپتاماي وتىر.
"مەنٸڭ بٸلۋٸمشە, كوح تاياقشاسى جەر بەتٸندە 40 جىل تٸرشٸلٸك ەتەدٸ. بۇرىن وسىندا وقىعان بالالار جىل سايىن ەم قابىلدادى. عيماراتتىڭ ەدەنٸنە اعاش تٶسەلگەن, لينولەۋمٸ دە ەسكٸ. ويىن بالاسى جٷگٸرمەي تۇرمايدى. سول كەزدە شاڭ كٶتەرٸلٸپ, اۋرۋ قوس ٶكپەدەن قىسا ما دەپ قورقامىز", - دەيدٸ قالا تۇرعىنى لاريسا نيزوۆتسەۆا.
نارازى توپ بالالارىن مەكتەپكە جٸبەرمەۋگە وسىنداي قورقىنىش سەبەپ بولعانىن جەتكٸزدٸ. بٷگٸندە ولار جاۋاپتى ورىنداردىڭ تابالدىرىعىن توزدىرىپ جٷر. عيماراتقا زارارسىزداندىرۋ جۇمىستارىن جٷرگٸزٸپ, كٷردەلٸ جٶندەۋ جۇمىستارىن تالاپ ەتەدٸ.
"بالامدى بۇل مەكتەپكە جٸبەرمەيمٸن. ەۋەلٸ دۇرىستاپ جٶندەۋ جاساسىن, توپىراقتى دا ٶڭدەسٸن. بۇل جەردە قانداي اۋرۋ بۇعىپ جاتقانىن كٸم بٸلەدٸ? بۇعان دەيٸن بۇل ارنايى مەكتەپكە كٸرۋگە بولمايدى دەيتٸن. ەندٸ كەلٸپ وسىندا بالا وقىتامىز دەيدٸ. بۇل قاي ساسقاندارى?", - دەيدٸ قالا تۇرعىنى جاسۇلان مۇقانوۆ.
بٸلٸم بٶلٸمٸنٸڭ ٶكٸلدەرٸنٸڭ سٶزٸنشە, وقۋشىلاردى ساناتورييالىق مەكتەپكە امالسىز كٶشٸرٸلگەن. سەبەبٸ ولار وسىعان دەيٸن وقىعان 700 ورىندىق مەكتەپتە, قازٸر بالا سانى 2300-گە جەتكەن. ٷش اۋىسىممەن بالا وقىتۋ قيىندىق تۋدىرعان سوڭ مىڭعا تارتا وقۋشىنى بٶلٸپ جٸبەرۋ تيٸمدٸ دەپ شەشكەن.
"بٸرٸنشٸدەن, ول مەكتەپتە تۋبەركۋلەزبەن اۋىرعان بالالار بولعان جوق. ەكٸنشٸدەن, ول مەكتەپتە تۋبەركۋلەزبەن اۋىرعان بالا بولىپ, تاياقشالارى ەدەندە قالاتىن بولسا, وبلىستىق سانەپيدەميولوگييالىق, وبلىستىق تۋبديسپانسەر بٸزگە رۇقسات بەرمەس ەدٸ. ولار ٶزدەرٸ جاۋاپكەرشٸلٸكتٸ الىپ, بٸزگە رۇقساتىن بەرٸپ وتىر", - دەيدٸ ورال قالالىق بٸلٸم بەرۋ بٶلٸمٸنٸڭ باسشىسى اقجارقىن تەمٸرحانوۆا.
بٸلٸم بەرۋ بٶلٸمٸنٸڭ دەرەگٸنشە, بالاسىن مەكتەپكە جٸبەرمەي وتىرعان اتا-انا سانى ساۋساقپەن سانارلىق قانا. ولارمەن ەندٸ تٷسٸندٸرۋ جۇمىستارىن جٷرگٸزٸپ كٶرمەك. وقۋ جىلى باستالىپ كەتسە دە, مەسەلەنٸڭ قالاي شەشٸلەرٸ ەزٸرگە بەيمەلٸم.
