مەملەكەت باسشىسى قاسىم-جومارت توقاەۆتىڭ تاپسىرماسىمەن قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ باتىس قازاقستان وبلىسىنا جۇمىس ساپارىمەن باردى, دەپ حابارلايدى "ۇلت اقپارات".
ساپار اياسىندا مينيستر عالىمدارمەن, ەكولوگتارمەن بٸرگە جەرگٸلٸكتٸ تۇرعىندار كٶتەرگەن كيٸك سانىنىڭ كٶبەيۋٸنە بايلانىستى جايىلىمدىق جەرلەردٸڭ تارىلۋىنا قاتىستى مەسەلەنٸ شەشۋ جولدارىن تالقىلادى.
«سٸزدەرگە پرەزيدەنت تاپسىرماسىمەن عالىمدارمەن بٸرگە ارنايى كەلٸپ وتىرمىن. ەكٸ جاققا دا تيٸمدٸ شەشٸمدەر قابىلداۋ ٷشٸن ەكولوگييا, اۋىل شارۋاشىلىعى, بٸلٸم جەنە عىلىم مينيسترلٸكتەرٸ جەنە حالىقارالىق ۇيىمدار, ينستيتۋتتار قۇرامىنا كٸرەتٸن جۇمىس توبىن قۇرىپ وتىرمىز. قىسقا مەرزٸمدە زەرتتەۋلەردٸ بٸتٸرۋگە تىرىسامىز», - دەدٸ مينيستر.
ماعزۇم مىرزاعاليەۆ مەسەلەنٸڭ شەشٸمٸنٸڭ ٷش جولىن اتادى.
«بٸرٸنشٸسٸ - جالپى اۋدانى 343040,1 گەكتار «بٶكەيوردا» مەملەكەتتٸك تابيعي رەزەرۆاتىن, سونداي-اق جالپى اۋدانى 314505,1 گەكتار اششىٶزەك مەملەكەتتٸك تابيعي قاۋمالىن قۇرۋ. بۇل بويىنشا بارلىق نەگٸزدەمەلەر دايىن. رەزەرۆات قۇرۋ ارقىلى جاڭا جۇمىس ورىندارى دا اشىلادى. ەكٸنشٸسٸ - وسى رەزەرۆاتتا گەولوگتاردىڭ ارالاسۋىمەن سۋ كٶزدەرٸن انىقتاپ, كيٸكتەرگە جاساندى سۋات دايىنداۋ. ول تەك كيٸككە عانا ەمەس, حالىققا دا پايدالى. ٷشٸنشٸدەن كيٸكتەردٸڭ ورال پوپۋلياتسيياسىنىڭ بٸر بٶلٸگٸن جايىقتىڭ وڭ جاعالاۋىنا ٶتكٸزۋ مەسەلەسٸن قاراستىرامىز», - دەدٸ مينيستر.
باتىس قازاقستان وبلىسىنىڭ ەكٸمٸ عالي ەسقاليەۆ قۇرىلعان جۇمىس توبىنا جەرگٸلٸكتٸ شارۋا قوجالىقتارى ٶكٸلدەرٸ دە كٸرەتٸنٸن, بارلىق زەرتتەۋلەر, شارالار اشىق جٷرەتٸنٸن جەتكٸزدٸ.
قر بعم زوولوگييا ينستيتۋتىنىڭ تەريولوگييا زەرتحاناسىنىڭ مەڭگەرۋشٸسٸ الەكسەي گراچەۆ قازٸر كيٸك سانىن رەتتەۋ مەسەلەسٸن مٷلدەم قوزعاۋعا بولمايتىندىعىن ايتادى.
«قانداي دا بٸر شەشٸم قابىلداماس بۇرىن, مەسەلەنٸ ەگجەي-تەگجەيلٸ زەردەلەۋ قاجەت. مەملەكەت ٶز ۋاقىتىندا كيٸكتەردٸڭ سانىن قالپىنا كەلتٸرۋ ٷشٸن ٷلكەن رەسۋرستار جۇمسادى. قازٸر ول تەك قالپىنا كەلتٸرۋ ساتىسىندا, ياعني ول ەلٸ دە ماكسيمۋمعا جەتكەن جوق. سول سەبەپتٸ ەزٸرگە ولاردى اتۋعا رۇقسات بەرٸپ, سانىن ازايتۋ تۋرالى سٶز قوزعاۋعا ەرتە», - دەدٸ عالىم.
ايتا كەتەيٸك, باتىس قازاقستان وبلىسى – ەلٸمٸزدەگٸ كيٸكتەر ەڭ كٶپ شوعىرلانعان ٶڭٸر. 2019 جىلعى ساناق بويىنشا بقو اۋماعىندا 217 مىڭ باس كيٸك بولعان. 2020 جىلى كوروناۆيرۋس پاندەميياسىنا بايلانىستى ساناق جٷرگەن جوق. 2023 جىلعا دەيٸن كيٸكتەردٸ عىلىمي قولدانىستان باسقا ماقساتتا قولدانۋعا زاڭمەن تىيىم سالىنعان.
