ورال قالاسىندا ەرٸكتٸلەر بٷگٸن 40 مىڭ مەديتسينالىق ماسكانى تەگٸن تاراتتى, دەپ حابارلايدى "ۇلت اقپارات".
بقو جاستار ساياساتى مەسەلەلەرٸ جٶنٸندەگٸ باسقارمانىڭ قولداۋىمەن «جاقىنىڭا جاناشىر بول! ماسكا تاعايىق!» شاراسى اياسىندا ٷلەستٸرٸلگەن ەر قوراپتىڭ ٸشٸندە 3 دانا مەديتسينالىق ماسكا بار.
شاھاردىڭ ۆولونتەر قىز-جٸگٸتتەرٸ 23 شٸلدە كٷنٸ «جاسىل ەل» شتابىندا جينالىپ, 40 مىڭ ماسكانى قابىلداپ الدى. ارنايى قورعانىش كيٸمٸن كيگەن ەرٸكتٸلەردٸڭ بٸر بٶلٸگٸ ماسكالاردى شاعىن قوراپتارعا سالسا, ەكٸنشٸ توپ الدىن الا دايىندالعان ارنايى كٶلٸكتەرگە تيەدٸ.
«ورال جاستارى» قوزعالىسىنىڭ ۆولونتەرٸ دۋلات جٷسٸپقاليەۆتٸڭ ايتۋىنشا, ەركٸم كوروناۆيرۋس قاتەرٸنٸڭ سەيٸلمەگەنٸن جەتە تٷسٸنٸپ, قورعانۋ قۇرالدارىنىڭ ينفەكتسييانىڭ تارالۋىن ازايتۋعا سەپتٸگٸن تيگٸزەتٸنٸن ۇعىنۋى ماڭىزدى.
«كارانتين ۋاقىتىندا, ٶكٸنٸشكە قاراي, كەيبٸر ازاماتتار قاراپايىم ساقتىق شارالارىن ەسكەرمەيدٸ. قوعامدىق ورىنداردا, كٶشەلەردە سەرۋەندەۋ كەزٸندە مەديتسينالىق ماسكا تاقپايدى, اراقاشىقتىقتى ساقتامايدى. سوندىقتان تٷرلٸ سەبەپتەرمەن بەتپەردەسٸز جٷرگەن قالا تۇرعىندارىنا ەرٸكتٸلەر ساقتىق شارالارىن ەسكە سالا وتىرىپ, مەديتسينالىق ماسكالار مەن ٷنپاراقتار ۇسىندى. مۇنداي جۇمىستار وبلىستىڭ بارلىق اۋداندارىندا جٷرگٸزٸلۋدە», دەدٸ د.جٷسٸپقاليەۆ.
شاراعا 150-دەن استام «جاسىل ەل» ساربازدارى, «ورال جاستارى», «اقجايىق جاستارى» ۆولونتەرلەرٸ اتسالىستى.
