رەسەيلٸك وپپوزيتسييالىق ساياساتكەر, بۇرىنعى دەپۋتات دميتريي گۋدكوۆ ٶزٸنٸڭ قولدان ۇيىمداستىرىلعان ٸس بويىنشا ۇستالۋى مٷمكٸن ەكەنٸن ايتىپ, رەسەيدەن كەتكەنٸن حابارلادى. ول 1 ماۋسىمدا مەسكەۋدە ۇستالىپ, ەكٸ كٷننەن سوڭ بوساتىلعان. ساياساتكەر بٸرنەشە جىل بۇرىن جالداپ تۇرعان پەتەرٸنٸڭ اقشاسىن تٶلەمەدٸ دەگەن كٷدٸككە ٸلٸنگەن.
بٸر كٷن بۇرىن ول Facebook جەلٸسٸندە پرەزيدەنت ەكٸمشٸلٸگٸنە جاقىن بٸرنەشە دەرەككٶزٸ ەگەر ەلدەن كەتپەسە, ٷستٸنەن جالعان قىلمىستىق ٸس اشىپ, قامايتىنىن ەسكەرتتٸ دەپ جازعان.
گۋدكوۆ - "بەلسەندٸلەردٸ جاپپاي قۋدالاۋ ٸسٸ" بويىنشا تەرگەۋگە ٸلٸنگەن كرەمل سىنشىلارىنىڭ بٸرٸ. رەسەي وپپوزيتسيياسىنىڭ جەتەكشٸسٸ الەكسەي ناۆالنىي قاڭتار ايىندا گەرمانييادان كەلگەن بەتتە ەۋەجايدا ۇستالىپ, "شارتتى جازانى ٶتەۋ ەرەجەسٸن بۇزعانى ٷشٸن" 2,5 جىل تٷرمەگە كەسٸلگەن.
گۋدكوۆتىڭ پٸكٸرٸنشە, قىركٷيەك ايىندا ٶتەتٸن پارلامەنت سايلاۋى قارساڭىندا بيلٸك ونى ەلدەن كەتۋگە مەجبٷرلەپ وتىر. گۋدكوۆ بۇرىن پارلامەنت دەپۋتاتى بولعان.
